السلام عليكم
أنا مقيم وخطيبتي سعوديه
خطيبتي قدمت المعامله للامارة واتحولت من الامارة للشرطة
واليوم استلمت الطلبات
والاستفسارات كالتالي:
خطاب تعريف بالراتب.
1- طيب عندي خطاب تعريف من العمل ومصدقة من الغرفة التجارية . هل يحتاج كمان ختم العمدة؟
تصديق شهادة الميلاد.
2- بالنسبة لتصديق صورة من شهادة الميلاد أيش الطلبات علما انو انا من سكان مكه ؟ فين المكان ؟
الفحص الطبي.
3- الفحص الطبي ماقبل الزواج هل هو نفسو التحاليل إلى مع خطيبتي بالمختبر الاقليمي ولا يختلف ؟ اذا كان يختلف فين تنصحوني اعملوا بجدة ؟
المختبر الاقليمي.
4- بالنسبة للمختبر الاقليمي بجدة فين مكانو؟ ومتى الوقت الافضل للذهاب واليوم؟ يعني ما يكون زحمة ؟ وكم الفترة تاخذ التحاليل بالمختبر
ورقة مشهد العمدة.
5- اعطوني ورقة مشهد؟ يعني اخذ معايا اثنين شهود سعوديين من اصحابي ولا لازم من عائلتها ؟
الشرطة.
6- ايش المطلوب بعد تعبئة وتجهيز الاوراق ؟ هل ننتظر التحاليل ولا نطلع للشرطة بالاوراق المطلوبه؟ وايش يطلبو مننا بالشرطة كمان؟
شكرا :)
