تجربتي معاملة زواج سعودية و مصري غير مقيم 1444هـ

Question

اولا هذا ماحصل معي في معاملة زواج قدمتها في جدة مو شرط نفسكم مافي قاعدة ثابتة أبدا فلاتسألوا أحد كم قعدت معاملتكم بالإضافة معاملتي زواج من غيرمقيم مصري الجنسية في مصرفهيختلف الموضوع في بعض التفاصيل الصغيرة من جنسية لأخرى بالإضافة الأنظمة والقرارات بتتغير ان شاء الله انها للأفضل ويُفضل إذا حسيتوا بالتوهان الجأوا لنفس الجهة المسؤولة عن النقطة اللي حايسين فيها واستعلموا كويس لا تخرجوا من المكان الا و انتم مقتنعين بالإجابة الخطوة الأولى التقديم في محافظة جدة كان حضوري وليس عن طريق الموقع ولي الأمر أخوية بالوكالة عن والدي راح ومعاه الخطاب و صورة هويتي وهويته مع الأصول وصورة من الوكالة انا كنت كاتبة رقمي في الخطاب لكن اتصلوا اليوم الثاني وطلبوا رقم أخوية وأخبروني أنه يجب أن يُكتب رقمه في الخطاب ملاحظة1كتابة رقم ولي الأمرفي الخطاب المقدم للمحافظة ملاحظة2 الخطاب موجه لأمير محافظة جدة وليس أمير منطقة مكة مااعطونا أي تذكرة في اليوم اللي قدم أخوية فيه الخطاب لكن في اليوم الثاني وصلت الرسالة برقم المعاملة -عشان بس لاتقلقوا لوماأعطوكم في لحظة التقديم أي تذكرة او ورقة -الخطوة الثانية  وصلت رسالة بصدور المعاملة لشرطة جدة بعد خمسة أيام من تقديم المعاملة في المحافظة.وانتظرت 5 أيام عمل وذهبت للشرطة القسم النسائي المخطوبة السعودية هي اللي تروح مو ولي الأمر 3 انتظروا 5أيام عمل لأن مكتب الزواج هيقولوا لسه ماوصلتهم أخذت معايا صورة من جوازسفرالخاطب أخبرت الموظفة المعلومات المهمة عن الخاطب وأخذت هويتي وهويته عشان تحسب فرق العمر ملاحظة 4لا يكون فارق العمر15سنة وما فوق لو15هتترفض المعاملة كلام الموظفة واعطتني ورقة الطلبات و قرأتها وأنا عندها كنت عارفة محتوياتها من إحدى الصديقات وبالتالي استفساراتي جاهزة.ملاحظة 5ورقة السوشال ميديا أوالمسح الأمني عبارة عن ورقة لابد تسجلوا فيها أي حسابات عندكم وأي ايميلات سناب تويتر فيسبوك وغيره لوماعندكم حساب في الشيء المطلوب ينكتب في خانته لايوجد و هذه الورقة تتعبى بالكمبيوتر مو بخط اليد 6لا تنسوا تأخذوا تحويلة الموظفة المسؤولة عن الملف ملاحظة7لما ينقال لكم بتخلص المعاملة عندنا في مدة أقصاها..لا تسكتوا وتنتظروا المدة بصمت لازم تتابعوا بإتصال ملاحظة 8الطرف السعودي دائما هو اللي يتصل ويسعى هتفهموا السبب ملاحظة9 قدرالإمكان مشاويركم تكون في الصباح بدري الساعة 8 مراجعة أوتصديقات وغيره10لتصديق خلو سوابق الطرف الأجنبي من وزارة الخارجية السعودية أو أي ورقة ثانية تحتاج ختم الخارجية السعودية لازم موعد من موقع الوزارة وغالبا ماراح يكون متوفر موعد قريب وبالتالي هتحجزوا أقرب موعد متاح و تروحوا للمكاتب اللي قدام الوزارة تقولوا لهم يقدموا الموعد للساعة الحالية وهيقدروا يعملوها بشوية فلوس بس تنجزوا الأموربدل الانتظارملاحظة11أي خطاب أو معروض مطلوب تقديمه لوزارة الداخلية هتروحوا مركزالاستقبال والتواصل الإلكتروني وزارة الداخلية اكتبوه في جوجل 12دائما معاكم ملف بجيوب تحطوا فيه صور من كل شيء حتى الهويات تصوروها 2.3 وأي ورقة تخلصوا اختامها صوروها ملونة احتمالية ضياع ورقة وارد جدا حصل معايا وطلبوا في الامارة ورقة عدم وجود وظيفة مع اني حطيتها وقت تسليم الملف للشرطة وافقوا بالصورة لأن سبب ضياعها مو مني وأكيد متسجل في الفهرس اللي بتعمله موظفة الشرطة انها استلمت مني 13موعد التحاليل بالنسبة لي كان بعد يوم من استلامي لورقة الطلبات لا تنسوا تأخذوا صورتين شخصية معاكم أناعملت التحليل لوحدي لأن الخاطب غيرمقيم عمل تحاليله في بلده وأرسلها لي عرّفته التحاليل المهمة المطلوبة انيميا الفول والثلاسيميا وانيميا المنجلية والايدز والزهري وفيروس الكبد بي و سي وصورة دم كاملة انطلبت من بعض الأشخاص عشان كذا ريحت دماغي و عملها بالإضافة لتحاليل المخدرات في البول بيكون فيه كذا نوع من المخدرات لازم تكون الأسماء هذه كلها مذكورة في التحاليل يعني ماتقولوا مثلا صورة الدم الكاملة تكفي لأنكم كمان هتسمعوها من الدكاترة اللي في المختبرات في بلاد أزواجكم بس لازم تكون مذكورة كنقط منفصلة في التحليل الموظفة في الشرطة تقرأها نظرة سريعة لو مالقتها هترجع الملف ولا تنسوا المصطلحات لو ماكانت بالعربي لازم تترجم زي أي ورقة غيرعربية من مكتب ترجمة معتمد يحط على الورق ختم معتمد ويعطيكم شهادة معتمدة هتأخذها موظفة الشرطة والترجمة ممكن تكون هنا في السعودية مو شرط بلد الخاطب 14لما طلبت العقد يكون في السعودية أضافت الموظفة في ورقة الطلبات تعريف راتب للخاطب بالإضافة إنه انطلب من اخواني في موعد الشهود عدد تقريبي لدخل الخاطب الشهري15انطلب مني أول ما دخلت المعاملة الامارة تعريف سكن لي ما كان مذكور في ورقة الطلبات نرجع للمحور الأساسي الخطوة الثالثة تسليم الملف للشرطة تم الخطوة الرابعة:قعدت المعاملة في الشرطة ثلاث أسابيع بالتمام ثم صدرت للمحافظة برقم صادر نأخذه من موظفة الشرطة سواء بالاتصال أوبزيارة القسم الخطوة الخامسة:وصلني اتصال على جوالي من المحافظة بعد خمسة أيام من صدورها لهم لتحديد موعد لجلسة الشهود وولي الأمرالخطوة السادسة:حصل موعد الشهود والموظف أعطاه تذكرة مراجعة فيها رقم صادرمن المحافظة للأمارة قعدت عشرة أيام بالتمام ثم صدرت للأمارة برقم قيد جديد الخطوة السابعة:دخلت الامارةوقعدت 27 يوم بالتمام والاستعلام في الامارة بالاتصال ثم صدرت للداخلية 16لو اتصلتوا على الأمارة وقالوا لسه ما وصلتنا من المحافظة بعد عشرة أيام تقريبا من بقائها في المحافظة اطلبوا من الموظف الاستعلام برقم الهوية أو الاسم لأن حصل معايا هذا الموقف وكانت المعاملة عندهم بس برقم جديد عشان كذا كان بيظهرلهم انها مو موجودة في نظام الامارة الخطوة الثامنة:وصلت الداخلية برقم قيد أخذته بإتصال هاتفي على الداخلية لما اعطيتهم رقم المعاملة في الامارة ملاحظة17طلبت مني رقم هويتي والجوال عشان الرسائل على جوالي والاستعلام في الداخلية عن طريق أبشر خدماتي.استعلامات.الخدمات العامة.معاملات ديوان وزارة الداخلية.تحطوا رقم القيد و تتأكدوا من اختيار سنة المعاملة عشان لاتطلع معاملات أشخاص آخرين وممكن الاستعلام بأرقام الهواتف.المهم دخلت أول شيء إدارة الحقوق الخاصة يومين واتحولت لسكرتارية لجنة الزواج وقعدت ثلاث أسابيع ثم أصبحت مغلق واتحولت للاتصالات الإدارية برقم قيد جديد مختلف وصلني برسالة نتصل على الداخلية و نعرف راحت فين على العدل ولاالخارجية لان الاتصالات الإدارية معناها خلصت من الداخلية وطلعت الموافقة أوالامارة اذا كان فيها نقص الخطوة التاسعة:وصلتني اليوم الثاني رسالة من الخارجية برقم المعاملة ولكن بدأنا خطوة جديدة لتحويل المعاملة للداخل مرة أخرى.على فكرة نادرا إنه يحصل هذا الخطأ و تروح المعاملة خارجية لشخص طلب العقد داخلي أو تتتحول للعدل داخليا لشخص طلب العقد في بلد الطرف الأجنبي بس كل حالة ولها حل لاتخافوا الخطوة العاشرة:قدمنا خطاب للداخلية عن طريق مركزالاستقبال والتواصل الالكتروني المهم يا عزيزتي احنا اللي نكتب الخطاب مو الموظفة هناك وتروحي لهم معاكي اللاب في حالة لوعدلت الموظفة على أي كلمة في الخطاب تقدري تعدلي وتطبعيه وترجعي لها ذكرنا فيه الأسباب اللي تمنعني من استكمال إجراءات الزواج في بلد الخاطب والخطاب موجه لوزير الداخلية وأرفقت جميع الأوراق اللازمة مع الخطاب كصور الهويات لكل الأشخاص المعنيين والوكالات اليوم الثاني تقيد الخطاب كمعاملة في الداخلية برقم وصلني في رسالة وعند الاستعلام في أبشر كانت في إدارة الاستقبال لمكتب الوزير اليوم اللي بعده في إدارة الحقوق الخاصة قعدت أسبوعين بالتمام وصارت في الاتصالات الإدارية برقم جديد واتصلنا على الداخلية عرفنا انها صدرت للعدل لاتقلقوا صارت تتأخر رسالة العدل وصلت رسالة منهم برقم المعاملة عندهم في مركز الاسناد و التوثيق بعد اسبوع بالضبط.الخطوة الحادية عشرة:التسجيل في ناجز مطلوب تقرير واحد طبي للزوجين وبما إن خطيبي غير مقيم و تحاليله اتعملت في بلده كان لازم اعمل تقرير واحد لنا في المختبر الإقليمي لكن للأسف رفضوا لأن تحاليل الخاطب ماكانت مختومة من السفارة السعودية ولو كانت مختومة مافي أي مشكلة هتروحوا تطلبوا تقرير ورقم موحد للتحاليل عشان تقدروا ترفقوا التقريرفي ناجزالمهم كان الحل بالنسبة لي وهوالأفضل إنه يجي بنفسه في جدة و يعمل التحاليل في نفس المختبر الإقليمي و يدفع زيه زي أي أجنبي مقيم و طبعا معلومة مهمة يابنات عمل الخاطب حساب في ابشر برقم الحدود اللي بيتسجل في جوازالسفر بخط يد موظف الجوازات في مطار جدة وبرقم الجوال اللي اشتراه أول مانزل المطار وبالتالي سجلته هو في عقد الزواج في ناجز بإختيار نوع الهوية جواز سفر و تكتبوا رقم الجواز لا تختاروا نوع الهوية للزوج هوية زائر وتكتبوا رقم الحدود لأنهم اعادوا الطلب لنا و طلبوا اختيار نوع الهوية جواز السفر وبالتالي مااحتجنا الوكالة اللي عملها لشخص ينيب عنه في العقد وأهم شيء أرقام كل المتسجيلن في طلب الزواج من شهود و ولي و زوج و زوجة لازم تكون مربوطة بأبشر 18الشهود في مرحلة ناجزلايشترط كونهم سعوديين بناء عن تجربتي -بعد تخوف- الشهود الاثنين كانوا مقيمين لأنه أهم شيء إقامتهم سارية ورقم جوالاتهم مربوطة بأبشر الخطوة الثانية عشرة:بعد الانتهاء من جلسة العقد طبعنا العقد اللي يوصل في الرسالة النصية في ورقة قوية و ختمناه من وزارة العدل الفرع اللي في المحكمة الجزائية ثم وزارة الخارجية لازم نعمل هذة الخطوات بعد العقد في حال لو هنستعمل العقد في بلد الزوج عشان يصير موثق وصالح للإستعمال خارج السعودية ملاحظة19 بالنسبة لنقطة تسجيل واقعة الزواج  في الأحوال المدنية لحالة مثل حالتي الخاطب غير مقيم ومو ناويين يطلع اقامة طلع قرار جديد هذة الايام بمنع تغيير الحالة الاجتماعية إلى متزوجة إلا إذا كان الخاطب لديه إقامة و بالتالي ستبقى حالتي غير متزوجة و بالنسبة للغرامة الموضوعة لهذا الأمر الخاطب فقط حين وجود إقامة له يستطيع دفعها مهما طال الزمن و سوف تكون متراكمة في حال عدم السداد عن كل سنة خمسين ريال - طبعا هذة الملاحظة كاملة منقولة لكم من موظفة ذات خبرة كبيرة في الأحوال - هذا و الله أعلم .أما الأختام - ورقة خلو السوابق للطرف الأجنبي تتختم بكل الأختام المهمة الخاصة بأمن البلد عنده ثم ختم خارجية بلده ثم ختم السفارة السعودية  ثم وأهم شيء ختم الخارجية السعودية هنا في السعودية- تحاليل الخاطب لو قدرتوا تختموها في بلد الخاطب من السفارة السعودية و طبعا السفارة السعودية ماتختم أي ورقة إلا لازم يكون عليها ختم خارجية البلد و خارجية البلد ما تختم إلا لما يكون عليها ختم شؤون صحية فإذا قدرتوا تعملوا كذا تمام خير وبركة  لوماقدرتوا اتأكدوا من موظفة الشرطة بعد ما تروحي توريهم التحاليل ومعمولة في أي مختبر- ورقة -عدم الزواج من سعودية من قبل -اللي بيعملها الخاطب في بلده تتختم بأختام كاملة من جهة وزارة العدل في بلد الخاطب ولابد أن يتم تنبيههم أنه سيتم استعمال الورقة خارج البلد ولا يشترط فيها وجود شهود ثم تنختم خارجية بلده و ثم السفارة السعودية  - في حال لو طلبتوا مثلي العقد داخلي و اضافوا تعريف راتب للخاطب لازم ينختم من الغرفة التجارية في بلده ثم خارجية بلده ثم السفارة السعودية (أنا خطيبي جاب سجل تجاري لأنه مايشتغل عند أحد و وريته موظفة الشرطة وقالت تمام هيمشي)- في حال لو عمل الخاطب وكالة لأحد ينيب عنه في عقد الزواج هنا في السعودية لازم تتأكدوا إن الشخص اللي هتوكلوه هويته سارية أو إقامته سارية و تكتبوا البيانات كاملة في الوكالة يعني بيانات اللي هتوكلوه اسمه بالكامل ورقم هويته بالكامل وتاريخ ميلاده زي مهو مكتوب في بطاقة هويته وجنسيته ولازم يرسلكم صورة من هويته عشان يستعملها الزوج عند عمل الوكالة و بيانات العروسة برضوا تتسجل كاملة اسمها و هويتها و جنسيتها و برضوا ترسلي له صورة من هويتك عشان يستعملها الزوج عند عمل الوكالة و بالنسبة لبيانات الزوج ينكتب رقم هويته في بلده بالإضافة لرقم جواز السفر ضروري ياجماعة ينكتب رقم جواز السفر مو بس رقم هويته لأن الوكالة هتستعمل خارج بلده و تتختم بكل الاختام المهمة في وزارة العدل في بلده ثم خارجية بلده ثم السفارة السعودية واحتمال كبيرالسفارة السعودية ترفض تختمها حصلت معايا ومع واحدة خطيبها مغربي مو مشكلة لا تخافوا هتأخذها الزوجة وتروح تختمها من سفارة أو قنصلية الخاطب هنا في السعودية ثم الخارجية السعودية ثم تروح المخطوبة لوزارة العدل من غير موعد و في العدل صار نظام جديد لازم يكون رقم جواز السفر للزوج متسجل مع رقم هويته زي ماقولتلكم و بالنسبة لجدة فرع وزارة العدل هتلاقوه داخل المحكمة الجزائية اللي في طريق الملك هناك مكتب التصديقات المهم هتروحي بالوكالة لازم عشان تسجلي هذه الوكالة في العدل في السعودية ويطلعلها رقم تقدري تسجليه في ناجز وهذا هوالاستعمال الوحيد للوكالة @ نسيت ملاحظة كان المفروض تنكتب في الخطوة السادسة يوم موعد الشهود مو شرط يحصل مع كل المعاملات فيه ناس ماحصلت معاهم بس الموضوع بسيط جدا مايأخذ خمس دقائق يكونوا الأطراف باللبس الرسمي كامل شماغ يعني مو بس ثوب ولوالخاطب مقيم يكون موجود وأسئلة عادية نفس المذكورفي الورق بس الموضوع مجرد اجراء روتيني و يكونوا موجودين في المكان قبل الموعد المحدد و بالنسبة للشهود لا يشترط انهم يكونوا نفس الشهود اللي وقعوا على أوراق المخطوبة أو الخاطب في حال لو كان مقيم  لكن يشترط انهم يكونوا سعوديين في هذه المرحلة بناء على إفادات أشخاص مجربين والله أعلم - إمارة مكة 0126648888 تحويلة 2222الرجال و تحويلة 2354 النساء و قسم النساء يردوا أسرع ويُفضل التنويع بينهم .- محافظة جدة رقمهم المتداول المنتهي بأربعات للإتصالات الصادرة فقط ما يستقبلوا اتصالات واردة ابدا فلا تتعبوا أنفسكم .- رقم وزارة الداخلية 8001245555 تحويلة صفر/ رقم آخر0118179965 خاص بقسم النساء يردوا بسرعة من بعد الساعة 10 صباحا - مجموعات الواتس كان لها الفضل بعد الله في التوجيه و النصيحة و تبادل المعرفة و المعلومات اتفضلوا حياكم الله  -  https://chat.whatsapp.com/HoHw2XPtgD2FWu0tMitzhr
https://chat.whatsapp.com/GfygQepJoSZI5yjh7H7EfE  -  أعتذرمقدما قد اتأخرفي الإجابة على أي سؤال لبعض الوقت

Comments

شكرا على الموضوع وعندي سؤال
ايش تقصدي ب (بالنسبة للغرامة الموضوعة لهذا الأمر الخاطب فقط حين وجود إقامة له يستطيع دفعها مهما طال الزمن و سوف تكون متراكمة في حال عدم السداد عن كل سنة خمسين ريال)
هل اذا زوج المواطنه ماعنده اقامه لانه غير مقيم وبعد كم سنه قرر يطلع اقامه حتتراكم عليه الغرامات من سنة زواجه لحين سنه حصوله على الاقامة! كذا قصدك اوتقصدي انه الغرامة تكون على المواطنه لانها ماحدثت حالتها الاجتماعية في حال استخراج اقامة للزوج بعد كم سنه من تاريخ العقد

Answer 1

ماشاء الله
الله يبارك لكم ويتمم لكم على خير