أي شخص قدم على الجنسية (تكلم عن خبرتك) حتى تعم الفائدة

Question

السلام عليكم

شباب وبنات هذا الموقع الجميل حاب أعرف خبرة كل شخص قدم على الجنسية السعودية وحصل عليها أو قدم على الجنسية ولا زال في الانتظار، لأن في ناس وأنا متأكد أنهم حصلوا عليها ولا يبون يتكلمون عن الموضوع كأنه راح ينحسد أو يعطوه عين مع أن لازم نساعد بعض في هذا الموضوع إللي يعتبر مهم من كل النواحي. صحيح الكل يقول أن الحصول على الجنسية "صعبة" وما تقدر، بس لو كل واحد يفهم خبرة الثاني بإذن الله راح تكون سهلة والأمور تكون ماشية حتى لحظة الحصول على الجنسية.

مو معقول يا إخوان أن في ناس كثيرين تلقاهم يتكلمون عن كيف حصلوا على الجنسية الأمريكية أو الكندية أو الأسترالية أو حتى الجنسيات الأوروبية بالتفصيل الممل وكذلك يذكر اسم المحامي إللي ساعده، أما بالنسبة للجنسية السعودية ما تلقى أي واحد يتكلم عن الموضوع كأنه شيء سري ومجهول، تحس كأنه موقّع على تعهد بأن ما يتكلم كيف حصل عليها أو حتى وش سوّا بالضبط.

لازم يا شباب ويا بنات نخلي هذا الموضوع منتشر بشكل كبير ويكون معروف للكل، حتى بإذن الله تعم الفائدة على الكل ونستفيد من خبرة إللي سبقونا، وإن شاء الله يكون في ميزان حسنات كل شخص يحب يساعد الآخرين في الحصول على الجنسية السعودية.

وفقكم الله لكل خير وصلاح وفلاح.

Comments

انا جدى من ابى و امى  قدموا الى السعوديه مهاجرين على نفقة الملك عبدالعزيز عن طريق البر , لنا الان اكثر من 70 سنة فى السعوديه , لى ابناء عم و عمات و اخوال سعوديين بنظام المواليد  ,اخى الاكبر قدم على طلب الجنسيه تم حفظها , هذا الكلام قبل 15 سنة على الاقل , انا الان زوج مواطنه  افكر فى الموضوع ولا اعرف كيف ابدأ ومن اين , الموضوع صعب ولا يوجد مصدر نتجه اليه للسؤال , حاليا ابلغ من العمر 47 عاما من مواليد السعوديه فى المدينة المنورة , الله يعين الجميع ,حبيت افضفض فقط و اثرى الموضوع

---

لازم تحاول وتسأل وتشوف، ما تقدر تترك نفسك بهذي الحالة إلى الأبد أو حتى عيالك يتأثرون بالمستقبل إللي كل غير سعودي خايف منه.

وأنا أهلي قدموا على استرداد الجنسية؛ لأن لنا أقارب سعوديين وأصلنا سعودي، كل شيء صار تمام وحتى المسؤول وقّع على المعاملة وقال "لا مانع في استرداد الجنسية". وهذا الكلام كان قبل 25 سنة، وكان المفروض بعد أسبوع كل شيء موجود تستلمه من الأوراق والبطاقة والجواز لكن للأسف الشديد هذا الموظف ما أدري وش صار عليه فجاء واحد ثاني وهو رفض المعاملة من دون سبب، حتى أقاربي السعوديين أرسلوا له خطاب بس حابين يعرفوا السبب ما عطاهم وجه.

مع ذلك أنا بإذن الله راح أحاول وأفهم كل شيء، أما الشخص يقول أنه مغلقة من دون لا يروح ويسأل ويشوف بنفسه هذا طول عمره ما راح يحصل على الجنسية وراح تظل في الحلم مهما عاش 100 سنة.

---

ما اختلفنا لازم احاول اكيد لكن من اين؟  طبعا كل المستندات موجودة من جوازات الاجداد باأختام و الشرح و الموافقه على الهجره , حتى لما نروح للجوازات ويطلبوا الجوزات القديمه للمطابقه او لأى سبب اخر الموظف يستغرب من المكتوب و يرسلنى لمدير الجوازات للأطلاع و الشرح على المعامله ويقلى ليش منت سعودى انت ؟ ارد عليه اقول له يالله بسم الله على يدك دلنى وين اروح , يقلى مدرى والله ايش اقلك ههههه , يعنى الحال صار معلق لا صرنا حق هناك ولا حق هنا بسبب ان العائله قديما هاجرت و تركت بلدها الاصلى بموفقه الطرف الثانى و الاول , ربى يصلح الحال و راح اسعى قدر الأمكان و اسأل و اشوف , ابواب الخير كثيرة فى البلد و فى ناس ما تقصر فى الخير ومالنا الا ما كتب الله لنا , تحياتى للكل

---

هو ما كتب الله لنا مو علينا، يعني الله كتب لنا الخير في الحياة بأكملها لكنا وللأسف نركز دايمًا على السلبيات والمشاكل والآلام إللي ما تخلص أبد. وصدقني لو كل واحد منا كان تفكيره إيجابي وفعلًا حاس أن الله معاه في كل أموره راح يرتاح بقوة مهما الكل صار ضده ويقدر بإذن الله يحصل عليها وراح تخلي كل شخص يستغرب من شيء سويته الكل يقول عنه مستحيل ولا تقدر إلا بواسطات قوية.

الله يسعدك ويوفقك في الوصول لأهدافك وطموحاتك بأيسر وأبسط الطرق الممكنة.

Answer 1

اي جنسية اخوي التجنيس موقف من زمن جدتي ولا فيه اي تجنيس خلاص اقامه بس تمشي فيها وضعك القبائل النازحة لهم اقامة وازواج المواطنين اقامه مافي اي شخص حصل على جنسية حتى اللي دفعوا فلوس اخرتها قالوا لهم مافي الا اقامه هوية مقيم لا اكثر ولا اقل حتى اللي قدموا تنازل عن جنسياتهم قبل توقيف التجنيس ما عطوهم ولا شي قالوا التجنيس موقف الله يعين وبس

Comments

طيب، في واحد بهذا الموقع قال أنه حصل على الجنسية وما قال التفاصيل، وغيره من إللي قدموا وقالوا أن معاملتهم ماشية حتى وصلت للمكتب السري (مع إني أول مرة أسمع فيه). أنا متأكد أن في ناس مقدمين على الجنسية وحصلوا عليها بس ما في أحد يبي يتكلم.

بالنسبة لتجنيس للمبدعين، هذي فرصة مثالية واحد يقدر يحصل على الجنسية، يعني فرضا أن من الصعب تحصل على الجنسية بالطريقة العادية، لكن في طرق ثانية بس للأسف الأغلب يقول صعبة.

---

والله اعرف ناس دافعين اكثر من مليون ولهم سنين حتى مولودين في السعودية واخرتها قالوا لهم مافي تبغون هوية مقيم ولا اجلسوا كذا، وصح المبدعون فيه قرار في منحهم الجنسية لانهم لهم فايده للبلد بس اللي مثلنا ازواج مواطنين لنا الله اقامه احسن من ولا شي لين الله يفرجها علينا ويعدلون من الاوضاع  لو  تكون على مدة الاقامه في السعودية يمنحون الجنسية نفس امريكا بعد زواج خمس سنه تمنح الجنسيه

---

هو صح الله يعين الكل وإن شاء الله تتفرج الأمور، بس هذا الكلام أهلي صار لهم سنين هم يقولونه وأوضاعنا للأسف تسوء على أساس أن الصبر مفتاح الفرج وهذا كلام فاضي إللي ما يتحرك ويسأل ويشوف ما راح يحصل عليها. أنا ما أهتم بالأشخاص إللي يقولون أن الجنسية مغلقة وهو أصلًا ما راح وسأل بس أخذ كلام من الناس وصار يردده، إللي ما يسعى ما راح يحصل على نتيجة.

حتى لو كان الحل الوحيد للحصول عليها هو إني أكون مبدع في تخصص معين أو أعمل شيء كبير، بإذن الله راح أكون من السبّاقين لهذا الشيء ولا أترك نفسي للحياة تمشيني بأي طريقة أنا ما حابها.

---

فعلاً مافي شي يجي بدون سعي له انت اسعى وحاول وربي ما يضيع تعبك دامك  تحاول وتبحث بإذن الله  تتيسر لك ويسهل ربي دربك لها وتحصل عليها ومافي شي مستحيل على الله واذا قادر تدخل تخصص يساعدك تحصل عليها ليه لأ حاول، اسأل الله يغير حالك للأحسن وربي يحقق مساعيك ويلهمك الطريقة

---

آمين وياك أشكرك على التعبيرات الجميلة، صدقيني لو كل واحد كان هذا تفكيره وما ييأس راح تلاحظين تغير كبير في الحياة ويقدر يحقق أي شيء يريده ما دام أنه متوكل على الله وعارف أن في طرق كثيرة يقدر يفعلها ويحصل على إللي يبيه.

الله يعطيك الصحة والعافية يا رب.