السلام عليكم اخواني الحمدلله تزوجت امس انا اخوكم مصري وهحكي بإختصار اللى حصل معايا واى سؤال ان شاء الله تكون اجابته فى الموضوع
قدمنا اوراقنا زى اى اتنين الزوج مصري مواليد الإمارات والزوجة مصرية وعملنا التحاليل
لكن بعد طول انتظار بسبب ان الاستعلام عني كان فى دولتين (مصر والإمارات ) رجعت الاوراق للإمارة ومنها للشرطة وهناك عرفنا ان انا مكتوب فى ابشر متزوج ضرورى تنتبهوا ناس كتير تعاني من نفس الموضوع
أحضرت ورقة من الأحوال فى مصر تثبت عدم الزواج وتم توثيقها فى السفارة والخارجية والداخلية
ورجعت الاوراق مرة ثانية للإمارة ومنها للداخلية وانتظرنا ٣ شهور وصلتنا رسالة ان المعاملة تحولت الى وزارة العدل.
الخوف كان من انتهاء التحاليل مرت عليها سنة بالتمام لكن المفاجأة ان بعد تعبئة البيانات وكل شىء اتصل القاضى وحدد موعد بنفس اليوم وتم عقد الزواج على برنامج تيمز
اسف على الإطالة وبالتوفيق للجميع يارب ويجمع بينكم على خير
