Untitled 1

يمكنكم الإنضمام في مجموعة أبناء السعوديات على برنامج التليجرام عبر الرابط التالي:  https://t.me/saudison

في تصنيف ازواج السعوديات بواسطة مستخدم جديد (1.1ألف نقاط)
انا قدمت لي انا من مكة في فبراير ٢٠٢٠والمعاملة تبعي وصلت الاحوال من زمان.

وخطيبي هندي مقيم من جدة مو من مواليد السعودية. فقالوا لازم يقدم من جدة.
الاوراق كلها جاهزة والامور كلها تمام معاد ورقة خلو السوابق. هو جابها من سفارة الهند من هنا بعد ما استلموها من الهند وختموها هنا. بس لما رحنا نقدم الموظفة في مكتب الشرطة رفضتها تقول لازم يجيب خلو السوابق من الهند وتختم في السفارة السعودية في الهند. طبعا وتقفلت الدنيا بسبب كورونا. لأن اخوه هناك لما راح يطلعها له، قالوا له ما ينفع، لازم يجي بنفسه عشان بصمات الاصابع والصورة الشخصية ياخذوها عندهم واتوقع بصمة العين، لانها من مكتب الجوازات هناك فتعامل معاملة الجواز، التقديم الحضور شخصيا. من وقتها الى الان مو عارفين ايش نسوي. راح وزارة الخارجية وختموها له وقالوا له ان شاء الله تمشي. فلما رحت للموظفة مرة ثانية، قالت هذه من السفارة من هنا فما تنفع، لازم يجيبها من الهند مختومة من السفارة السعودية في الهند.


معقول يا جماعة؟ طيب والحل؟ انتوا شايفين الوضع والسفر كيف. ايش الحلول؟ لان لسه نعتبر ما قدمنا، فيعني اوردي راح يكون في تأخير بعد التقديم كمان. والله اني محبطين جدا ومحنا فاهمين الفرق بين الورقتين. والخارجية حاطه الختم الرسمي يعني.

عندكم فكرة؟ افكر اروح الامارة بعد العيد اشوف اذا بسبب الظروف الراهنة يقدرون يسوون لي شي ولا ايش تتوقعون؟ احد صاير له اللي صاير معانا؟

شكرا لكم مقدما

2 إجابة

0 تصويتات
بواسطة مستشار أول (6.2مليون نقاط)
مافي مجال
لازم من نفس بلد الشخص لو مهما تسوي
فالحل
تشوفوا احد في الهند يطلعها لكم  بفلوس لان فعليا اغلب الامكان بفلوس تمشي الامور بدون حضور
بواسطة مستخدم جديد (1.1ألف نقاط)
طيب كيف بصمات الاصابع والعين؟
يقولو له تعتبر جواز، فما احد يقدر يطلع جواز بدون حضور الشخص. هذه نفسها. هو لو في سفر ما كان في مشكلة. حتى لو انفتح السفر لسه الهند من الدول ال ٢٠
منذ بواسطة مستشار أول (6.2مليون نقاط)
يابنت الحلال الفلوس هناك تسوي كل شي
شوفلكم احد يخلص اموركم
0 تصويتات
منذ بواسطة مستخدم جديد (22.1ألف نقاط)
يسأل بسفارته مرة تانية

غالبا في السفارات الاخرى
ياخدوا بصماته من هنا ويرسلوها للبلد
ومن ثم تاخد قرابة ال ٤٠ يوم وترجع
او يرسل احد يستلمها ويوثقها من سفارة المملكة ببلده

اكيد في حل؟ خليه يشرح وضعه لسفارة بلده؟
بالتوفيق
مرحبًا بك إلى مجتمع أبناء السعوديات - سؤال وجواب، حيث يمكنك طرح الأسئلة وانتظار الإجابة عليها من المستخدمين الآخرين. Untitled 1

يمكنكم الانضمام في مجموعة أبناء السعوديات على برنامج التليجرام عبر الرابط التالي:  https://t.me/mhananah

12.4ألف أسئلة

23.9ألف إجابة

27.0ألف تعليقات

16.5ألف مستخدم

...