مرحبًا بالجميع ..
رزقنا الله بمولود قبل ٢٠ يوم تقريبًا واستخرجت له شهادة ميلاد جديدة ( اللي فيها رقم إقامته )، استخرجت له جواز سفر ورحت للجوازات عشان اصدر له إقامة ثم انقل كفالته لأمه السعودية،
مشكلتي لما وصلت للجوازات قالوا لازم تسدد رسوم اضافة مولود داخل السعودية وقيمة الرسوم ٥٢٧٠ ريال، استغربت من هذي الرسوم لان اللي اعرفه ان رسوم المقابل المالي تبدا من تاريخ الولادة الى تاريخ انتهاء الإقامة، وبما ان الإقامة تنتهي بعد ثلاثة اشهر، دخلت الراجحي وكانت القيمة ٨٥٠ ريال، سددتها قبل لا اروح الجوازات، ولما وصلت الجوازات قالوا هذا المقابل ما نحتاجه وتقدر تسترجعه.
سؤالي يا كرام عن الرسوم اللي طلبوها ٥٢٧٠ ريال وهي في الراجحي مسجلة تحت بند بإسم (اضافة تابع مولود داخل المملكة بعد عام من تاريخ الولادة)، وضحت لهم ان المولود ماله ٢٠ يوم من ولادته كيف ادفع رسوم هذا البند اللي واضح من عنوانه انه يخص المتأخرين لمدة عام، قالوا هذا اللي يظهر في النظام ولا نقدر نسوي شي الا بعد ما تسدد.
هل هذي الرسوم صحيحة او فيه خطأ؟ افيدونا بتجاربكم ياكرام
ودمتم بود
