هل تم فتح نقل الكفالات في جوازات جده

Question

السلام عليكم ....... هل من احد عنده خير هل تم فتح نقل الكفالات بجوازات جده ام لا،..... علما بأنني لي أربعة أشهر أراجع على شان نقل كفالتي على زوجتي وكل ما اسالهم النقل موقف كل هل المده ما ني فاهم صحيح موقف ولا تصريفه احد عنده علم أكيد يفيدنا الله يجزيه خير باقي شهر في إقامتي تنتهي افيدونا الله يسهل أمركم مهنتي عامل على مؤسسه واوراقي كلها كامله الله يجزاكم كل خير

Answer 1

الحل انك تراجع انت وبشكل يومي وكل يوم تغير طريقة المراجعه
وتغيير الموظف اللي تراجع عنده او تدخل على المدير

جوازات جده تصريف بس يبي لهم تعب كثير ومتابعه

او روح جوازات مكه او المدينه .. اما تجلس تستنى الحل من احد يجاوب
مو مفيد كذا ..

دابك فيها بشكل يومي ومن النجمه الى ما تخلصها بتوفيق ربك ..

Comments

معاك حق اخوي عبدالله المفروض دايمن الواحد يتابع وراء معامتله...بس احيانا ضروف العمل ماتسمح لك انك تخرج دايمن وبعدين مشوار الجوازات مش ساعه او ساعتين لما تصف بالسرا ويوصل دورك قد راح عليك اليوم وفينك فين عبال ماتاخذ لك عذر ثاني.
ثانيا : انا ما انصح احد اقامته من جده يعامل فيها بمكه لانهم ماصاروا يقبلوا اي احد اقامته من جده ويعامل فيها بمكه..انا اقامتي من جده ورحت لمكة اعامل فيها ورجعوني وجبت لهم عقد ايجار اني من سكان مكه ومامشيت عليهم ورجعونى وطلعت لمدير الجوازات ووقعها ليا ..لكن مدير شبعة الوافدين العقيد عبدالله مدني جالس بالمرصاد لاي واحد اقامته من جدة وللعلم ماهر الحبشي مو بيده شي ...حتى لو قبل ماهر الحبشي المعامله العقيد عبدالله مدني راح يطلع عليها ويعرف انها من جدة ويرجعها.
انا راجعت جوازات مكه اكثر من 5 مرات ومافي فايييييده
انا اذكر تجربتي فقط للافادة ..واي واحد يقدر يروح ويجرب وومكن حضه يكون احسن منى والله يوفق الجميع

Answer 2

نعم اخي فتح نقل الكفالات لاني كنت لدى الجوازات امس  وتم نقل كفالتي وتغيير مهنتي في نفس اليوم ومجانا

Comments

أنا بناءاً على كلامك رحت جوازات جدة وقالولي جيب شيك وكمان تنتظر 10 أيام وبعدها تبدأ تشيك على ابشر.

يا أخوان بالله نتمنى تحرى الصدق فلا يوجد بعد الله شي نرجعلة الا هذا المنتدى لإيجاد المعلومة فلا تحاولو تقللو من مصداقية الى ينكتب.

---

اقسم بالله العظيم الذي خلق سبع سموات اللي كتبته عن نقل كفالتي هو الذي صار معي ولم ياخذوا عليا اي مبلغ سواء نقل كفالة او تغيير المهنة واليوم ذهبت للموارد البشرية لتسجيل اسمي للوظيفة اما عن اخي اخذوا منه الف ريال لتغيير مهنة وارجو منك ان لا تقلل من شاننا او تقلل من مصداقيتنا لو لم ارد الفائدة لغيري لما كتبت تجربتي وبالله التوفيق اما ذهابك لمكة فلن يستقبلوا معاملتك لانك من جدة وهذا حصل معي مع انهم قبلوا معاملة من جدة قبلي بيومين يعني الشغلة حظوظ