اضافة مولوده من اب سعودي وام مقيمه ولا يوجد موافقة

Question

السلام عليكم ورحمة الله وبركاته  ...

ولادة زوجتي ان شاء الله الشهر القادم واستفسرت من المستشفى اللي حيولدها انه انا سعودي والزوجة اجنبيه من دون تصريح ولدينا مشهد اثبات واقعة زواج من الشرطة وايضا عقد زواج من المحكمة من دولة الزوجة

افادوني انهم بيعطوني ورقة تبليغ ولادة اخذها اصدقها من الشؤون الصحية وبعدين اقدمها ع الاحوال


سؤالي الان ... ماهي اجراءات اضافة المولود لدى الاحوال المدنية بوجود تبليغ ولادة ؟ هل هناك اي غرامات او تحقيق او اي تعقيدات او الامر سهل وبسيط

وهل عند اضافة المولودة سيتم تغيير الحالة في ابشر عزدي من اعزب الى متزوج ؟

منطقة التقديم الرياض


اسأل الله العظيم ان يرزق كل من يجاوبني برزق حسن وان يثلح لنا ولكم الذرية ويقضي حوائجنا

Answer 1

شوف اخوي انا مثل وضع زوجتك بس الفرق اني تزوجت في السعودي شوف اول شي خلي زوجتك تولد في مستشفى حكومي عشان تبليغ الوالدة من المستشفى الخاصه غير معترف فيها ثاني شي لما تولد تاخذ تبليغ الولادة وتقدم على الاحوال وتباشر في استكمال الاجراءات النظامية تبصم الزوجة ويرسلون طلب للشؤون الصحية يتأكدون من الولادة انها تمت في مستشفى حكومي وتروح الزوجة الجوازات تبصم وتروح الاوراق الامارة ولما تخلص كل ذي الاجراءات تضاف معاك في كرت العائله ومافي غرامه ولا تحقيق صح المعامله تبغى روح وتعال بس تمشي وما تتغير حالتك تبقى اعزب حتى تضيف الزوجة معاك وبس

Comments

انا مابي اضيف الزوجة حاليا

المهم اضافة المولودة

لكن هل متأكدة من معلومة ان تبليغ الولادة من مستشفى خاص غير معترف فيها ؟

وكيف مو معترف فيه وهم يعطوني اياها عشان اصادقها من الشؤون الصحية؟

---

الله ييسر لك تطمن المولودة تضاف معاك والله مادري كيف منطقتكم الاجراءات فيها بس اخو زوجي متزوج يمنية جابت اطفالها في مستشفى خاص ولما راجع ابوهم يبغى يضيفهم قالوا له نضيف لك الولد اللي انولد في مستشفى حكومي الباقي احنا وش يخلينا نضمن انهم عيالك صدق وعطوه اوراق تروح الرياض وترجع عشان يسوي هو واطفال تحليل اثبات نسب وقالوا الخاص غير معترف فيه الله يكون في عون كل مسلم وبس حبيت افيدك وتاكد اكثر من الموضوع لا تفكر وتشيل هم بإذن الله تضيفها معاك بس احتياط قلت اعلمك تجربة مرت علي في الموضوع ذا

---

وعليكم السلام...
 أنا شفت تعليق الأخت وحسيت أنها بتلخبطك لأنها شبكت ودخلت أضافة المولودة مع أضافة ألزوجة ترا كل معاملة لوحدها أنت خلص من أضافة المولودة وبعدين أتفضى للزوجة وكمان تقولك الخاص غيرمعترف فيها برضو غلط أنا وديتها خاص وأخذت تبليغ الولادة ثاني يوم  بس الأفضل لوحكومي عشان الأجراءات ماتطول حقت الشؤون الصحية والطلبات لأضافة المولودة يطلبونك تبليغ الولادة ومشهد زواج من الشرطة تختمه من العمدة و٢ شهود يوقعون عليه ويشهدون بأنها زوجتك صورة لبطاقتك وأقامة الأم وجوازها وتكون مجدده وتروح لمدير الأحوال ويشوف الأوراق أذا كاملة يحولها لقسم الأضافات وفقسم الأضافات يقولك راجعنا بعد شهر لأنه مايقدر يسوي شي الا بعدمايرسل تبليغ الولادةللشؤن الصحية ويسجلونه في نظام تباليغ الولادة والوفاة وأذا تبغى أتابعها يعطيك رقمها اللي راحت به للشؤون وأول مايقولونلك رجعت الأحوال أعطيهم كمان أسبوع وروحلهم  وهناك موظف الأضافات كمان يعطيك أوراق للشهود ويقولك جيبهم معاك المهم تاخذبالكثير ٤ أشهر أذا كل شي كامل وبعدها تدخل كل بعدفترة على أبشر أذا ضافوه روح للأحوال وطلع كرت العائلة وشهادة الميلاد طبعاً من غير الزوجة والحالة الاجتماعية تبقى كما هيا أعزب.

---

شوف انت فهمت غلط الرجال مقدم على تصريح زواج مو تصحيح زواج عشان كذا ذكرت له موضوع الزوجة ثاني شي النظام تغير ذي السنه اول صح انا معاك ابوهم اضافهم بنفس طريقتك بس المولودة الجديده قالوا النظام تغير لازم الام تبصم في الجوازات وبلاغ الولادة قال لنا موظف الاحوال لو خاص كان راح تتعبون وما ينوخذ فيه زي الحكومي وعن تجربة عيال اخو زوجي للحين يطرد على اوراقهم ولا طلعت كل الانظمه ذي السنه غيروها الله يجيب اللي فيه الخير وتجيه موافقه ويعقد قبل تولد زوجته ويرتاح من ذي الشوشره كلها

---

تصريح زواج هذا أذا كان مقبل على الزواج أما في حالة الأخ فهوتصحيح وضع لأن الرجال متزوج بدون موافقة وبذكرلكم تجربتي انا ضفت بنتي قبل ٤سنوات وضفت ولدي قبل سنتين ولاعمرهم طلبو حضور الزوجة لا فالجوازات ولافالأحوال  والمستشفى الخاصة يقبلون تبليغ الولادة حقها ولكن اللي يخليها تطول هو بأن الشؤون الصحية تعمل لجنة وتروح تتأكد من المستشفى وبعدها ترسل المعاملة لأدارة تباليغ المواليد والوفاةوبالكثير شهر تقعد فالشؤون الصحية
وأنا في أضافة الولد قالولي ترا جات قرارات جديدة وفيه غرامة ٣٠٠٠الاف ريال وفعلاً خلوني اوقع عليها ورحت للشباك وسجلها عليه وقالولي عادي ينضاف في أبشر ولكن ماتقدر تطلع الكرت اوشهادة الميلاد غير لما تسدد الغرامة  وسبحان الله معاملة الزوجة رجعوها عشان شهادة الميلاد للولد وبرنت من الأحوال  وكانت خيره راجعت الأحوال وشافني الموظف وتذكرني وهذا بعد سنة قالي تعال وراي للمكتب وبشرني بأن قرارالغرامة أنلغى وطلعتله شهادة ميلاده وضفته واسف للاطالة ولكن يمكن البعض يستفيد ويلقى أجابته من خلال كلامي ..

---

فاهمه قصدك كلنا في الهوا سوا بس هو مو طالب تصحيح وضع لانه ماعنده اطفال ولا كمل المده المحدده للزواج اللي هي خمس سنين ولا عشر هو طالب تصريح زواج ويبغى يتزوجها من المحكمة كنو مو متزوجين لانه ما عنده اطفال لساتها زوجته حامل فهمت يعني لو ولدت قبل الموافقة ينجبر يقدم من جديد تصحيح وضع اذا كمل المده المحدده واذا ربي وفقه وجات  الموافقه قبل الولادة خيرة يتزوجون كنهم اول مره وخلاص

---

اللي انا فهمت بأنه أهم شي عنده الأن هو اضافة المولودة وقاعد يسأل عن ورقة التبليغ وهل لوضافها تتبدل الحالة الأجتماعية من أعزب لمتزوج وبعدين قالك انا ماابغى أضيف الزوجة حالياً من وين جبتي انه يبغى تصريح وبالعكس تصحيح وضع افضل من التصريح ماتطول المعاملة