موافقه من الاماره بدون ولي امري

Question

انا مواطنه سعوديه متقدم ليه شاب اجنبي مقيم في السعوديه ومتزوج في اليمن واخواني رافضين يستقبلو العريس او يروحو معي الاماره ويقدمو معي طلب الزواج وابويه متوفي و عمري حاليا ٢٩ بحجة انو انتظري بيجيك سعوي وماجاني احد ولا احد فكر فيني كل همهم نفسهم هل اذا رحة انا وقدمة يقبلو وهل احتاج عضل من المحكمه

Comments

اختي الغالية ربي يحفظك من كل شر ان شاء الله ربي يباركلك بزواجك  احب اقلك لازم موافقة ولي الامر هذا اولا اذا مو موافقين شوفي خالك اخو امك يعني كذا لكن وجب نصح لك عشان الانسان انا متزوج سعودية صارلي سنتين عاطل عن العمل ممنوع اني اشتغل ثانيا اولادك بيكونو اجانب اذا صارلك شي لاسمح الله ربي يحفظك  يارب انا معك لي متى بتنتظرين لكن استخيري ربك شوفي

Answer 1

انا اشوف مثل الرد السابق
ماشاء الله توك صغيره لا تستعجلي ياعزيزتي البنات الحين ماتفكر بالزواج قبل 35 تعيش حياتها تشوف لها وظيفه وتثبت نفسها فيها او  تفتح لها مشروع واخر شي الزواج
 وفوق هذا  متزوج ليه في عمرك هذا تاخذي متزوج
معليش معليش قد يكون يبحث عن مميزات زوج المواطنه عشان كذا متفدم لك مع انه متزوج بتفهميني انه غني لدرجه انه يصرف على بيتين ؟؟؟؟ يارب انه مو كذا لكن هذي وحده من الامور الي تجي على البال

ترا تبعات الموضوع موسهله راح تتحملي الكثير والكثير

ودامه متزوج في ديرته  فمرده لها خاصه اذا عنه عيال لا تاخذك العواطف وتندمي وخاصه مافي بينكم قرابه تراها مجازفه كبيره جدا جدا جدا
واخوانك نظرتهم سليمه 100%
ابوك الله يرحمه ويغفر له لو هو عايش ما وافق مو بس اخوانك ..

استخيري وفكري مليون مليون مره وخااصه اذا انتي منتي موظفه وماعندك راتبك لان تقريبا الوظايف توطنت و وتسعودت فتره بسيطه وماراح يلاقي شغل هنا ابدا فهل انتي عندك اسنعداد تشيلي البيت لحالك او تروحي لبلده

الزواج قسمة ونصيب واذا ربي كاتب لك بتاخذينه لكن لاتستعجلي و تسوي مشاكل مع اخوانك والله والله والله محد بيوقف معك في اي مشكله غيرهم ويكون قراراك بدايه لمشاكل لاتنتهي



عندي كلام كثييير في هالموضوع لكن  حاولت اختصر وانبهك لنقاط يمكن انتي غافله عنها

Comments

انسي الموضوع راح  يجيك رفض لان من شروط الزواج من اجنبي ان يكون اعزب