السلام عليكم، حبيت اسأل اذا احد انطلب منو اثبات انو هو غير مبتعث حاليا كمطلوب لمعاملة زواج من اجنبي/اجنبية ؟ انا قدمت كغير مقيمة لاني اقيم و اعمل خارج السعودية وقدمت عن طريق امارة محافظة جدة وطلبوا مني اثبات اني غير مبتعثة من وزراة التعليم او الملحقية. كنت مبتعثة قبل اربع سنين ... في البداية ماعرفت اتواصل مع مين عشان استخرج اي نوع من الاثبات لكن بعدين قدرت اتواصل مع الوزارة عبر النظام الموحد وقدروا يفعلوا نظام سفير وخدمة طلب الافادة وحصلت على ورقة افادة من عندهم .. بس شكلو النموذج الي يعطوا ثابت وما يتغير.. لانو ينطبع من الموقع على طول .. المهم الموظفة الي رحت اسلمها اوراق المعاملة نبهتني انو النموذج ممكن ينرفض لانو التواريخ مو واضحة في الورقة ومني متأكدة. بس حبيت اعرف اذا احد واجه نفس الشي او انطلب منو نفس الشي.. لانو مسألة الاثبات اصبحت شوية صعبة...وخاصة انو الموضوع عدت علي فترة طويلة.. لدرجة اني بفكر اغير في الطلب الى اني مقيمة ويمكن يسقط دا الشرط بس مو عارفة.. اذا احد مر بنفس التجربة ياريت يشاركني في تجربتو.
