الحمدلله يارب .... خيره

Question

قدمنا على الجنسيه من الديوان الملكي - ابويه قدمها - والحمدلله الامور تمام وماشيه وراحت لي وزاره الداخليه  وبعدين وكالة الاحوال المدنيه وجلست فيها 3 شهور  وكنا نتابعها بل اتصال  وكانو يقولو في اداره التجنس  وتحت الاجراء - المهم صدرت الى اداره الاحوال جدة - احوال الصفا - فرحنا مرره وندعي ليل ونهار-  وجلسنا نراجع 3 شهور تقريبا  ويقولو انتظار التعليمات - وموجوده في شعبه منح الجنسيه ويعدين راحت اداره التجنس - وامس - طلبو ابويه قالولو ما تستفيد من التجنس ووقعو ورقة وقالو حفظت  - دعواتكم والحمدلله على كل حال جدا مهمومين ومتضايقين

Comments

السلام عليكم اخيAzoozhh11 ابوك ماعطوه تذكرة مراجعة ولا بس كده قالولوا غير مستفيد وحفظت شفويا

---

وعليكم السلام   / ايوه اعطونا من يوم ماصدوت الى احوال جدة - تذكره  وراجعنا شهرين -  وبعدها  اعطوه ورقة وقالو وقعها وقالو تم صرف النظر - عندنا احساس لانو ابويه مقيم بلوشي  - يعني زي القبائل النازحه - احتمال كبير دا السبب لانو اقامه ابويه تتجدد بدون رسوم الاقامه

---

السلام عليكم.. معليش كيف قدم برقيه صحيح؟

Answer 1

الحمدلله على كل حال وان شاء الله تزين الأمور

Answer 2

الحمد الله ع كل حال
معليش بس ممكن اعرف ابوك قدم على اي مادة
وهل لابوك احد سعودي اخ او قريب

Comments

ابويه قدم برقية للملك سلمان الله يحفظو -  وابويه من فئه البدون - ماعندو لا قريب ولا اخ سعودي - عمي كان مقدمها ونفس الشي تم صرف النظر على عمي - والحين على ابويه - والحمدلله على كل حال ودعواتكم

Answer 3

أولا شكرا لثقتكم و رغبتكم في الحصول على الجنسية السعودية..

ثانيا.. تقدروا تقدموا مرة ثانية و نصيحتي لكم بعد سنة..

الانظمة تتغير مع الوقت و اغلب المعاملات الحالية على النظام القديم.. بعد سنة ممكن يكون النظام الجديد هو المتبع و قد تكونوا من المستفيدين.. ادعوا الله ان ييسر اموركم و يسهلها.. و عسى ان تكرهوا شيئا و هو خير لكم..
بالتوفيق لكم و لجميع المسلمين..
و الله يحفظ هذه البلد و يديمها..

Comments

جزاك الله خير   بس ايش نسوي الدنيا ضاقت مره والحمدلله يارب بل قوه حندفع رسوم تجديد الاقامه 60 الف  امكن السنه دي نمشي خروج نهائي او ندور لجوء
الحمدلله يارب

---

انا زيكم اليوم رحت اراجع قالو وقع على ورقة صرف النظر):