الحمد لله ي رب

Question

الحمد لله الذي تتن بنعمته الصالحات ♥️
تمت الموافقه على معاملتي بالزواج و لله الحمد ما طولت و تيسرت معانا
عقبال البقية
كل الشكر للاخت أسماء و الاخ modi
و ان شاء الله نفرح فيكم ♥️♥️♥️

Comments

ماشاء الله  تبارك الله
بارك الله لكما و بارك عليكما و جمع بينكما في خير
العقبى لكل راغب اللهم آمين عاجلا غير آجل

Answer 1

الف الف الف مبروووووك الله يجعله ارتباط السعاده وتعيشو حياه سعيده ويتمملكم ع خير

Answer 2

مبروك الف مبروك الله يسعدكم
كم أخذت وقت ؟
وهل هيً معامله زواج سعوديه من اجنبي مقيم و لا غير مقيم ؟
و الشروط و سير المعامله ؟
الله يسعدكم و يرزقكم الذريه الصالحة افيدونا

Comments

الله يبارك بعمرك حبيبي
الحمد لله ما طولت تقريباً شهرين
و المعاملة كانت زواج سعوديه من اجنبي مقيم سبق و عقد على سعودية
ما كان في شروط بس خطاب تعريف من جهة العمل لطرفين موافقه ولي الامر مصدق من العمده و الشرطة
و المعاملة قدمناها بالشرطة جلست اسبوعين و بعدين الاماره جلست ثلاثه اسابيع و اليوم تحولت للمحكمة عشان عقد القران

---

ماشاء الله تبارك الله مبارك
الله يتمم لكم على خير

عندي كم سؤال الله يسعدك لأني نفس وضعك بالزبط

من أي أمارة قدمتي ؟
وكيف قدرتي تتجاوزي شرط انو الخاطب ما يكون سبق له الزواج من سعودية  ؟
وكيف المعاملة ما راحت الداخلية ؟
هل في معاملات ما بتروح للداخلية ؟

لأني رحت لشرطة مكة واعطوني ورقة الشروط وكان من ضمنها انو ما يكون الخاطب سبق له الزواج من سعودية ، وكلمنا معقب عشان يمشيلنا الموضوع وطلب ٣٠ الف

---

قدمتها في امارة مكة وخطيبي مولود هنا و ما عمره سافر لِ بلده
وكمان بس عقد قران و ما جلس اسبوع و في صك الطلاق مكتوب بغير خلوة وكمان جاب خطاب من العمده ايش سبب الطلاق
و لما كنت اتابع المعاملة في الاماره كانو يقولو لي راحت لقسم النيابه راحت لداخلية و زي كذا
الموضوع الحمد لله مشي بسهولة و بدون تعقيد
انتي قدمي الورق بدون معقب و ان شاء الله تتيسر انا كنت شايله هم و متوقعه تترفض بس الحمد لله

---

طيب ما كان في ورقة يوقعها ويجيب شاهدين بإنه ما قد عقد على سعودية ؟ ، وبالنسبة للورقة اللي جابها أي أحد يقدر يطلبها من العمدة ؟

---

لا بس ورقة حقت العمده ايش سبب الطلاق
و اخذ عيال خالتو شهود بس

---

شكراً الله يسعدك

ومبارك مرة تانية الله يوفقكم

---

خطيبك حط صورة من صك الطلاق مع المعاملة ؟

---

اي نعم و ضروري كمان ورقة العمده فيها سبب الطلاق

---

اهم شيء ما تمت الخلوة فقط عقد نكاح
او يكون عمر المخطوبة فوق ٢٧ سنه

Answer 3

مبروك . الف مبروك

Answer 4

ماشاء الله ولاقوة الا بالله
والله فرحتيني الله يسعد قلبك
ان شاء الله الف الف مبرووووك وبالرفاة والبنين وحياة سعيدة يارب
والعقبى لنا ان شاء الله
دعواتك لي بالظهر الغيب حبيبتي :)