أنا تواصلت مع شخص عنده مكتب في طريق المدينة لأنو تواصلت معاه قبل عام وطلعت تأشيرة، المهم طلب مني الطلبات التالية:
- كشف حساب بنكي لآخر ثلاث شهور (طبعته من النت وبدون ختم)
- أصل جواز السفر + صورة
- صورة الإقامة ملونة
- صورتين شخصية 5 × 6
- خروج وعودة
- كرت تأمين بوبا
- رسوم سفرة وحدة 500 ريال (إذا حبيت سفرات متعددة بـ 1050 ريال)
- أصل عقد النكاح (أول كان صورة الآن أصل)
أعطيته الطلبات بعد مغرب يوم أربعاء، ووعدني 3 أيام، المهم اليوم اللي بعدو (الخميس) قدم أوراقي الساعة 11 الصباح، والساعة 02.30 في نفس اليوم أرسل لي صورة التأشيرة على الواتساب، بصراحة استغربت من سرعة الإنجاز لأن العام الماضي أخذت يومين والسنة هذي تقريبا في كم ساعة طلعها ليا، مع إني لما شفت تعليقات الناس في جوجل ماب كنت متخوف بس الحمدلله الأمور تمام، يمكن عشان زوج مواطنة والرصيد والراتب كويس.
عموما هيا تعتمد على إذا سافرت قبل كذا ورصيدك وكم راتبك، وبكل الأحوال زوج المواطنة يوافقو ما يتأخرو
