السلام عليكم انا اتمنى القى احد يعرف الحل والمخرج لمشكلتي او مشاكلي انا ابنة مواطنه ومولوده هنا ومعي اثبات من المحكمة اثبات ميلاد لاني ولادة منزليه وما طلعلي شهادة ميلاد وابوي بالخارج كل عمره ومالي غير امي وما طلعتلي اي اوراق ولمى كبرت قدرت بشهود ومزكين اطلع صك اثبات ميلاد وانا تزوجت سعودي بصك عادي غير موثق وجبت ولد وما عطوني تبليغ المستشفى ولا قدر ابوه يضيفه لاني طبعا ما عندي اقامه والا اثبات وقدر الله وصارت بيني وبينه مشاكل واخذ الولد مني واطريت اروح المحكمه عشان اشوف ولدي وقدرت اشوفه يومين في الاسبوع وحجة القاضي اني متخلفه وما عندي هويه وصار ولدي يجيني بس يومين في الاسبوع والحين بعد طلاقي بسنتين تزوجت مره ثانيه على امل يزين وضعي وجبت بنت من زواجي الثاني ولا زالت المحاولات اني اصحح وضعي عشان اضيف ولدي وبنتي ومافي فايده لا انا قدرت اطلع اثبات اني ابنة مواطنه ولا قدرت اطلع اقامه عاديه ولا حتى اقدر اصحح وضعي وحتى زواجي الحين غير موثق وزوجي حاول بكل الطرق كل مره تنحفظ المعامله وكلت محامي من سنه ونص الحين واخذ مبلغ ولا جاب اي نتيجه ولا سوا شي الى اليوم كل ما نكلمه يقول باقي ماصار شي وهو ماخذ ١٠ الاف دفعه اولى من ٣٠ الف ورحنا الاماره والداخليه والجوازات كل مره الرد يكون بسبب انه مافي شهادة ميلاد او رقم دخول السعوديه لا قدرت اطلع اقامه ابنة مواطنه ولا ام مواطن ولا زوجة مواطن ولا حتى اقامة على اني انشاء الله لو خدامه او مربيه تحت كفالة احد طيب وش الحل وش ذنبي وش ذنب عيالي بهالوضع والين متى بانتظر اتمنى لو في احد عنده لو طرف خيط لحل مشكلتي وحسبي الله ونعم الوكيل
