في تصنيف ازواج السعوديات بواسطة مشارك متقدم (76.1ألف نقاط)
السلام عليكم

اخواني حبيت استفسير الحين استخرجنا اقامة زوج مواطنة لكن مكتوب فيها رقم رخصة العمل ؟ ما المقصود بها ؟ ارجو الافادة
بواسطة مشارك متقدم (122ألف نقاط)
ابو مشعل ممكن تصور اﻻقامه وبامكانك تشيل بعض معالم الاسم
بواسطة مشارك متقدم (76.1ألف نقاط)
ابشر بس انتظر لي شوي

2 إجابة

0 تصويتات
بواسطة مستشار أول (17.6مليون نقاط)
الف مبروك .. وعقبال الجميع ..

طلع الرقم هذا مع اغلب الأخوان اللي تمت معاملاتهم
والرقم ماله اي وجود او معنى حاليا ولا لقينا له تفسير واضح
عموما لا تشغل نفسك ..

وياليت تفيدنا عن تجربتك وبأي منطقه واي جوازات ومتى تم النقل


والف مبروك مره ثانيه ..
بواسطة مشارك متقدم (122ألف نقاط)
لي عدد من الزملاء نقلوا على زوجاتهم يوم الاربعاء ولم  يظهر اي رقم فقط زوج مواطنه ويصرح له بالعمل هذا غبة جوازات الرياض
بواسطة مشارك متقدم (98.1ألف نقاط)
استفسار كم تاخذ المعاملة في الرياض هذي الايام لزوج المواطنه؟؟
يعني لو قدمتها بكرة الاحد بعون الله هل ممكن اتسلم الاقامة بنفس اليوم او ثاني يوم ؟
بواسطة مشارك متقدم (76.1ألف نقاط)
والله يا الغالي لا تسئل عن الإجراءات فهي معقدة ....في البداية خلصت كل الاوراق المتطلبة وحطيته بملف عشان اسهل على الوالدة وتروح لمجرد التسليم وترجع ولما راحت الا تتفاجئ يقولون لها صوري نسختين من الاورق الي معك وتعالي !! وراحت للتصوير وقعدت ساعتين عشان الزحمة  بمكان التصوير ثم رجعت وسلمت لهم الاوراق وقالوا لها راجعي بعد اسبوعين .... وبعد اسبوعين لما راحت لهم قالوا لها نبي صورة من ورقة تصديق التنازل !! مع العلم ان الاصل مسلم لهم ومعاها صورتين في ملفين منفصلين .....  رجعت البيت واخدت الصورة وعطتهم الا قالوا لا نبي الأصل !! مع العلم ان الاصل مسلم لهم سابقاً قالت الوالدة  الاصل عندكم قالوا لا جيب الاصل وتعالي !!!!!! ورحت انا مره ثانيه لغرفة التجارية وصفيت سيره ساعة عشان اصدق التنازع ثم في اليوم الثاني راحت للجوازات وعطتهم الاصل قالوا لها راجعي بعد اسبوعين !!!! وبعد اسبوع شكيت ع النت الا تم نقل الكفالة ورحنا واستلمنا الاقامة

وبعدها بيوم ثاني رحت شخصيا لصالة 6 وطبعة اقامة ثانية عشان يشيلون كلمة غير مصرح
بواسطة مشارك متقدم (76.1ألف نقاط)
اخي  drroqia

في جوازات الرياض تقعد من اسبوعين الى ثلاث اسابيع تقريباً وحاول تصور كل الاوراق نسختين مع الاصل وتحط نسخة ثالثة  في السيارة ورابعة في البيت
0 تصويتات
بواسطة مستشار أول (988ألف نقاط)
والله أخوي ما احد فاهم حاجه كل جوازات في كل منطقه تصدر على كيفها لكن ان شاء الله الأيام الجايه يكون هناك تنظيم موحد للجميع

تحياتي
مرحبًا بك إلى مجتمع أبناء السعوديات سؤال وجواب ، حيث يمكنك طرح الأسئلة وانتظار الإجابة عليها من المستخدمين الآخرين.

13.5ألف أسئلة

25.7ألف إجابة

30.8ألف تعليقات

16.9ألف مستخدم

...