نقل لكفالة الوالدة لكن متخوف

Question

السلام عليكم

اخواني انا يمني على كفالة الوالد والوالدة سعودية واخواني كلهم سعودين الا انا , انا تخرجة من الجامعة والحين موظف لكن على كفالة الوالد لسى

احتاج السفر للإمارات لظروف العمل , سالت الخطوط الإماراتيه قالو مدام انت على كفالة الوالد لازم الوالد يسافر معاك , وصعبه الوالد يسافر معاي

السوال الحين هل اذا غيرت كفالتي على الوالدة اقدر اسافر المشكلة انا خايف اغير كفالتي على الوالدة مع اني مقدم على الجنسية وراحت الرياض وتوقف القرار وحاليا موقفه في الرياض , خايف بعدين ما اقدر احصل على الجنسية

وبالنسبة للتأمينات الإجتماعية هل بعد نقل كفالة اقدر احصل على راتب تقاعد بعد 20 سنه

وأشكر كل من راح يرد ويساعدني

Answer 1

بالنسبه للسفر للإمارات المشكله هي هي مع الوالد بتكون مرافق ومع الوالده بتكون مرافق.. ما تغير شئ

ولا تعتمد على كلام الخطوط استفسر في السفاره أضمن وممكن تحصل على تأشيرة الدخول للإمارات من السفاره قبل السفر ..

وبالنسبه لنقل الكفاله سواء للوالده او على اي كفيل ماله أي علاقه بموضوع الجنسيه ..
الجنسيه ما تتدخل في مين كفيلك في حال تمت الموافقه عليها ..

طبعا الأفضل تنقل على والدتك بمهنة ابن مواطنه وتنتظر الجديد لأن الموضوع مطروح في مجلس الشورى بتعديل نظام الجنسيه لأبناء السعوديه ..

وبالنسبه للتأمينات لا يتم صرف راتب تقاعدي للغير سعودي ابدا
لابد تكون سعودي وأمضيت 20 سنه عمل في القطاع الخاص حتى تستحق الراتب التقاعدي  ..

بالتوفيق

Comments

مشكور اخوي على ردك

وبالفعل تم التواصل مع السفارة وقاله حتى لو نقلت كفالتك على الوالدة لازم تسافر معاك , بس قالي في حل انك تشوف احد من الامارات يطلعلك تاشيرة على كفالته

تمام عليك ان شاء الله جاري نقل الكفالة على الوالدة بعد انتهاء زحمة تحسين اوضاء الاخوان