في تصنيف ابناء السعوديات بواسطة مستخدم جديد (25.1ألف نقاط)
عندي كم سؤال أرجو الإفادة : 1- أنا حأعقد والحمد لله على سعودية الأسبوع الجاي وخلاص جات الموافقة وكل شي تمام بس قالولي لازم أضمها معايا بعد العقد في الستستم عشان تسجل بإسمي ومره يقولو من الأحوال ومره يقولو من الجوازات ولما دخلت موقع الأحوال المدينة بجدة عشان أخذ موعد ما لقيت نفس الخدمة ؟ 2- الشي التاني أنا وأخويا خلينا الوالده الله يحفظها تقدملنا في الجوازات عشان ننقل كفالتنا عليها وله الموضوع أكتر من 3 شهور ولا حس ولا خبر وكل ما تروح الوالدة تسأل عن الموضوع يقولولها مادام ما طلعت الإسم خلاص يعني لسه ما خصلت وطبعا مافي أي رقم للمعاملة رغم أنو أعرف 2 من زملائي مشيت أمورهم في أقل من شهر ونفس المعاملة ؟ أرجو الإفادة يا أخوان الله يعطيكم ألف العافية

2 إجابة

0 تصويتات
بواسطة مستشار أول (3.4مليون نقاط)
حياك الله اخي ابن المواطنة.. وابارك لك ما عملت .. وربنا يتمم لكم على خير ويجمع بينكما بكل خير.. الشق الاول من السؤال غير واضح .. لانه كيف انت تضم زوجتك لك .. المفروض هي تنقلك على اسمها وليس العكس.. فتصبح انت بالاقامة زوج مواطنة وعلى كفالة زوجتك.. عموما المفروض انك تزور الجوازات وليس الاحوال.. الشق الثاني.. بما انك قدمت على انك تنقل كابن مواطنة وعلى كفالة والدتك الله يحفظها .. فما يحتاج انك تنقل على زوجتك .. وبالنسبة للمدة 3 شهور .. اعتقد انها مدة طويلة شوي .. ولم يكن يفترض ان تصبر اكثر من شهر .. عموما .. اول شيء تسويه يوم السبت تروح لمدير الصالة او مدير الجوازات وتقوله انك مقدم اوراقك من 3 شهور .. !!!؟؟؟ وقوله فيه كثير من اقاربك ومعارفك قدمو وطلعت باقل من شهر.. واكيد راح يشوفلك الحل.. بالتوفيق .. تحياتي..
+1 تصويت
بواسطة مستخدم جديد (15.3ألف نقاط)
السلام عليكم حبيت اساهم في الاجابة عن سؤال الاخ الفاضل بالنسبة لعقد النكاح بعد ماتعقد تروح الاحوال عشان تسجله عندهم في السستم وتروح انت بنفسك ترفق صورة لهويتك مع الاصل وصورة جواز سفرك وعقد النكاح وصورة بطاقتها ولو ماعندها بطاقة خاصة فيها لازم تستخرج بطاقة وان شاء الله دام عقدك جديد ما يكون عليك غرامة تأخير بالنسبة لاوراقك في الجوزات اذا ما لقيتها سوي غيرها وخلي الوالدة الله يحفظها لك بس تختمها من القسم النسائي وانت كمل المعاملة عند قسم الرجال وماراح تاخد وقت منك الله يوفقك الجميع وييسر امرهم
مرحبًا بك إلى مجتمع أبناء السعوديات سؤال وجواب ، حيث يمكنك طرح الأسئلة وانتظار الإجابة عليها من المستخدمين الآخرين.

13.5ألف أسئلة

25.7ألف إجابة

30.8ألف تعليقات

16.9ألف مستخدم

...