في تصنيف ازواج السعوديات بواسطة مستخدم جديد (6.1ألف نقاط)
السلام عليكم ....... انا طرحت سؤال من فترة انة كفيلي ما عطاني تنازل وسويت كلللللل الاقتراحات من شكوى لمكتب العمل الى معروض للامارة وارسلت جاهة لكفيلي وعرضت عليه فلوس وكلللللل هاذا ما نفعني باي شي فهل من المعقول انة ماااا ضل قدامي الا تاشيرة زوج مواطنة مع العلم اني سوري ووضع سوريا مو خافي على احد الله المستعان ايش الحل يا جماعة الخير الاخ ابو حنانة ويييينك الاخ ابو عبدالله الاخ .....الخ لو سمحتو فيدوني بحل الله يسهل اموركم كلها

1 إجابة واحدة

0 تصويتات
بواسطة مستشار أول (17.6مليون نقاط)
شكوى + مراجعات + اماره + تعب + جهد + مصاريف + مكتب عمل + ممكن ايه وممكن لا = خطاب تنازل او لا مسايسة الكفيل = خطاب تنازل لاااااااااااااابد مايكون له مفتاح هالكفيل اللي مو راضي يعطيك تنازل وسط له اخوه ابوه عمه امام مسجدهم او يمكن يبغى فلوس مستحيل ما يكون له سبب ومفتاح اذا مافي شئ صدر منك مزعله لابد ما تلاقي مفتاحه واذا في شئ صدر منك اعتذر له حسبي الله عليه واخيرا والله ثم والله لو اجتمعت الإنس والجن على ان يضروك بشئ لم يكتبه الله عليك ماراح يضروك ولكن انصحك بالهدوء واعتبره معركه لابد ما تفوز فيها ببرود اعصابك وترجيك له ومحاولة اقناعه اهدء وبالسوري ( انفخه وطنبره ) الى ما تحصل على التنازل وخلي الإستغاثه بالله القاهر فوق عباده ليس فوقه شئ .. والله يؤسفني نصيحتي هذي لك ولكن هي اقصر الطرق للأسف
بواسطة مستخدم جديد (6.1ألف نقاط)
اخوي عبدالله شاكر لاجابتك بس انا ما غلطت مع كفيلي ابدا ولا بحق الشركة اللي انا شغال فيها وهم ما عندهم سياسة التنازل ابدا ولا من عشرين سنة احد اخد تنازل في الشركة ممكن خروج نهائي فقط وكفيلي مثل ما قلت انه شركة مو فرد لوحدة وماخليييت احد اعرفة الا وارسلتة له لاااكن بدون فائدة هل من الممكن انة تاشيرة زوج مواطنة هي الحل الوحيد قدامي وهل هي موجودة فعلا وازا موجودة لازم اعمل خروج نهائي بعدين اطلعها ولا ممكن تطلع اول وبعدين اسوي خروج نهائي وكثر الله خيرك على تعبك معاي ومع غيري
بواسطة مستشار أول (17.6مليون نقاط)
لا اخوي العزيز مافي تعب ولا شئ ... وانته لا تسوي خروج نهائي الا بعد ما تقدم على التأشيرة من الإستقدام طبعا التقديم يكون عن طريق زوجتك المواطنه وممكن تشرح وضعك لمدير الإستقدام .. وممكن تصير الإقامه من هنا ولكن بواسطه كبيره جدا .. لاحول ولا قوة الا بالله بس .. طيب جرب تقنع مكتب العمل انه يدخل بحل مشكلتك بشكل ودي مدام انت زوج مواطنه والنظام يرفض ابعادك بدون سبب جنائي .. بالإضافه لوضع سوريا الحالي .. ممكن شركتك تتجاوب مع خطاب ودي من مكتب العمل .. حاول ربي يعينك
بواسطة مستخدم جديد (2.1ألف نقاط)
أخي الكريم ،، أنا اقترح عليك من باب التجربة تركز على وزارة العمل ماهو مكتب العمل كالتالي
١- شكوى من زوجتك موجه لمعالي وزير العمل تشرح في عن حالتك
٢- في بند من صلاحية الوزير بنقل كفالة وافد إلى الي مؤسسة أخرى من غير موافقة الكفيل الحالي ضمن حالات ثلاثة وحالته واحدة منها " أسباب تتعلق بحفاظ شمل الأسرة "
٣- يمكن رد الوزير يطول لكن ماهو أكثر من ٤٠ يوم
٤- بالغالب يكون الرد إيجابي ويتحول لمكتب العمل للمنطقة الي انت فيها وتتم عملية النقل من غير خطاب التنازل

لا تتعب رأسك مع مكتب العمل أبدا إلا بعد ما أتخلص من الوزارة ربي ييسر أمرك .
مرحبًا بك إلى مجتمع أبناء السعوديات سؤال وجواب ، حيث يمكنك طرح الأسئلة وانتظار الإجابة عليها من المستخدمين الآخرين.

13.5ألف أسئلة

25.7ألف إجابة

30.8ألف تعليقات

16.9ألف مستخدم

...