هل نقل الكفالات حالياً مستمر في جدة .

Question

السلام عليكم ورحمة الله وبركاته

هل نقل الكفالات حالياً مستمر في جوازات جدة بالنسبة لأبناء السعوديات
أم ما يزال متوقف , لدي معاملة منذ اكثر من شهرين !!
وهل تنصحوني بأن اقوم بالتقديم مرة ثانية ؟

وشكراً ,,

Answer 1

نقل الكفالات وتعديل المهن مستمر نعم..
ومدة المعاملة ليس أنت المسؤول عنها ، فقط راجعهم كل أسبوع مرة ولمن تخلص على كيفهم..
ولا تقلق دام معاك صورةمن الإقامة فتكفي حالياً..

تحياتي..

Comments

يا ليت تدلنا أخوي وين يتم نقل الأبناء. كل ما رحنا قالوا لنا بانتظار التعليمات

---

اخي العزيز .. اللي صار معايا امس15 شعبان 1434هـ ..  كتبته لاحد الاخوان في نفس هذا الموقع ..  ترى الاوراق الاصلية بتاخدها انت من عند مكتب المقدم عصام الجهني وتكمل انت النقل .. اتفضل الطريقة الصحيحة والاكيدة اللي تريحك ..
---------------------------------------------------------------
السلام عليكم .. كيفك يا اخي .. انا اقلك ماذا تفعل بالضبط لانوا صار معايا نفس اللي قلته :
1-ادخل للجوازات من الباب الشمالي ( الل جمب بوابة النساء) ثم توجه يسار .. بتلاقي باب ابيض الومنيوم .. هذا سيبه .. امشي كمان شوية بتلاقي باب تاني .. هذا هو بابنا المطلوب.
2- قبل ما تدق الباب او تدخل هتلاقي في نفس انجاه الباب باب خشبي مقفل وشبابيك بيضاء .. هذي عليها اوراق .. دور اسمك فيها .. اتوقع تلاقيه ومكتوب فيها الملاحظات .. احفظ رقم البيان اللي فيه اسمك.. ان شاء الله تكون بس الشيك المصدق.
3- اذا صح الشيك المصدق .. على طول على اقرب بنك وسوي شيك مصدق ب 1000 ريال باسم مؤسسة النقد.
4- اما ترجع روح للباب ودق واستنى .. هذاك مكتب المقدم عصام الجهني .. رجل متعاون ويخاف الله .. بس من كتر الضغط لازم تطول بالك .. لانو مش من اول مرة ينفك الباب تدخل .. في شخص واقف على الباب يفتحه ويدخل مجموعة .. اما يخرجوا يدخل تانيين.. بس اذا انفك الباب وريلو الشيك .. رايح يقفل وشوية يفتح الباب ويعطيك ورقة .. تعبيها وتعطيلو هيا.
5- اما يوقعها من المقدم يعطيك هيا تروح الصندوق تسلم الشيك والورقة ويعطيك ايصال .. الافضل تصور الشيك والورقة .. واما يعطيك الايصال تصوروا نسختين.
6- ترجع  للمقدم .. وان شاء الله يدخلك وما يطول عليك ... بس لازم تقولو رقم البيان ولنفرض 5  .. يقوم هوا ويدور في كيس رقم 5 لين ما يلاقي معاملتك
5- اذا لقاها يعطيها للمقدم .. يخليك توقع على اللستة انك استلمت المعاملة .. ويكتب كلام على المعاملة ويوقع .. ويقولك اتوكل على الله معاملتك جاهزة ... روح سلمها بنفسك في قسم نقل الكفالات.
هذا الكلام كله صار معايا امس .. بس رحت قسم الكفالات ويقولوا معاملات الابناء والازواج موقفة مؤقتا .. بس برضوا روح واسأل .. انا بكرة ان شاء الله اروح وانتظر سره .. والله يعينك ويعينني ويعين الجميع