السلام عليكم اخواني الاعزاء
ابشركم ولله الحمد تم نقل كفالتي على الزوجة بجوازات جدة الاربعاء الماضي، وتم طباعة الاقامة بدون عبارة غير مصرح له بالعمل من الجوازات بالكندرة، وبعدين اليوم اتوجهنا لجوازات التحلية شنتر لتجديد لمدة سنتين، وللاسف ظهرت عبارة غير مصرح له بالعمل تحت الصورة، وراح رقم رخصة العمل، وصاحب العمل اصبحت مرافق مع اسم زوجتي، لكن المهنة زوج مواطنة زي ما هي!!!
قلي الموظف دي حلها في جوازات الكندرة لانه ما عندهم الصلاحية لحلها!! الله يسعدكم افيدوني ايش اعمل وانا دلخل على وظيفة جديدة وما ابى مشاكل مع الادارة، هل ممكن يعملو اعادة طباعة في الكندرة وترجع زي اول؟ وهل هناك رسوم ٥٠٠ ريال باعادة الطباعة؟ في واحد قابلتو هناك قبل اسبوع نفس المشكلة حاول يعدلها من جوازات جدة رفضو قالو ما جتنا تعليمات دا وانا طابعها الاسبوع الكاضي لمن نقلت وما ظهرت العبارة!!! ايش الحل ارجوكم وسامحوني للاطالة
