زواج من سعودية

Question

السلام عليكم واذا كان وجود سابقة جنائية

هل هذا يعيق موافقة الزواج ؟ والسابقة موجودة

في الادلة الجنائيو وهي قديمة منذ 1419

Comments

اخوي بشر هل تم الزواج والا لا

---

انا كنسلت الموضوع من عندي ما ابي احرج نفسي مع الناس والموضوع متعب جدا لوجود سابقه

---

الله يرزقك بنت الحال و يمكن خيره لك ويسهل أموري

Answer 1

ما أعتقد السابقه بتعيق الزواج .. ممكن تعيق الجنسيه ..

بس راح يطلبو منك صحيفة بصمات من الأدله الجنائيه .. وراح يكون فيها السابقه وأكيد البنت وأهلها راح يشوفون الصحيفه لأنهم هم اللي راح يقدمو المعاملة ..

إذا البنت وأهلها ما عندهم مشكله في موضوع زي كذا واصل تقديم أوراقك وإن شاء الله خير ..


بالتوفيق

Answer 2

نعم أخي الكريم .. للأسف وجود أي سابقة جنائية وتم الحكم فيها بمدة أكثر من 6 شهور سجن ، تعيق الزواج والجنسية وحتى لو تيغى تهاجر على دولة أوربية برضوا ما تقدر..
وطبعاً قضايا الإرهاب وقضية أخلاقية وقضية جنائية قتل وكذا ، هذه منتهي من الموضوع ونهائياً ما يلطع أمر بالزواج..

كل ما ذكرته أنا فوق هالسطور أنا أضمنه لك طبقاً للقانون..
لكن تجيبلي واسطة منا وملا منا ، هنا الكلام يختلف..

تحياتي..

Answer 3

مافي اشتراط خلو السجل من السوابق
في قانون الزواج من مواطنه ..!!

http://www.riyadh.gov.sa/ar/Pages/Procedures/Procedure.aspx?ItemId=16

اخوي ادمن .. خل الرجال يقدم وماراح يخسر شئ أعرف ناس ممن عندهم سوابق اكثر من سنتين حكم وحصلوا على موافقة زواج وبدون واسطه  .. لا تحطمه يا ادمن .. الجنسيه اكيدين منها والهجره هو ما يبيها خليه يعيش حياته ويقدم لحلمه .. ومنه هو يجيب لنا الخبر اليقين بعد ما يقدم ان شاء الله ..هههههههه

Comments

بكل تأكيد أخي الكريم ، وأنا أؤيد كلامك دوماً ، وتشوف دايم تعليقاتي تحث على مبدأ التجربة..
أنا بس أعطيه الصورة عشان لا يتفاجئ، ولا نغش الرجال..

لكن بالنهاية التجربة من حقه دائماً وأبداً ، ونحن علينا الأمانة في الإجابات فقط لا أكثر..

نقطة أخيرة ..
أنا متأكد من موضوع البحث الجنائي ، لأنه يوجه خطاب سري للداخلية وللشرطة وللبحث الجنائي لمعرفة السوابق..
وصدقني مليون بالمية لو عليه قضية جنائية أخلاقية أو شكوك في جماعة إرهابية ، حتى بالواسطة صعب يتزوج حتى لو كان سعودي أصلاً  ههههههه..

تحياتي..