في تصنيف ابناء السعوديات بواسطة مستشار أول (226ألف نقاط)
اخواني . اخواتي
صباح الخير
حبيت ابشركم ان جوازات مكة بدت من امس في النقل وتعديل
المهن لابن مواطنة وزوج مواطنة
وجاني الخبر بعد سفرتي للرياض . وسبحان الله وصلت الرياض
يوم الاحد على اساس اخلص اجراءتي هناك . وجاني اتصال من
واحد من الاخوان يقولي بداءات في مكة .
ورجعت امس ورحت الجوازات وتاكد بنفسي
وحبيت ابشركم انهم شغالين في جوزات مكة
اهم شي تروح واراقك كاملة طبعا اكيد كلكم راحت والدته او
زوجته وشرح موظف قسم النساء ( حضرت الاصيلة )
وبعدها مايحتاج جية الوالدة الله يحفظها . كل الي عليك
تاخد اوراقك كاملة وتطلع للجنة ومعاك اصل الاوراق لمطابقتها
وبعد ماتشرح اللجنة تزل وتقدمك اوراقك بنفسك مايحتاج
لا معقب ولاغيره تخلص كل امورك وانت واقف . ونفس اللجنة
فوق عندهم موظف على الجهاز بعد ماتشرح من مسؤل اللجنة
واحد حبوب اسمو ( سنان الدعدي )
تسلم الاوراق للجنمبه ويعدل مهنتك عنده بالجهاز والنقل
وتزل تحت وتقدم اوراقك وتسلم هويتك معدلة ومنقولة
وبالنسبة للرسوم مني متاكد بس ماهو موضوع سواء
برسوم او بدون واليوم بيدكم خبر الرسوم الاكيد
وزي ماقلت اهم شي خلص امورك بنفسك واوراقك
كاملة واصل وصورة . ولا تتكلموا في الرسوم ولا تحطوها
عقبة لانها فرصة وجات الين حدكم واغتنموها لان لو قفلت
( الحجر من الارض والدم من راسكم )
يعني مافي احد خسران غيركم وبعدين ماينفع الندم
في رسوم ادفع زيك زي الناس مافي رسوم خير وبركة
وسامحوني على الاطالة
والله يسعدكم ويوفقكم وعلى بال مانسمع خبر الجنسية في
الايام الجاية باذن الله .

3 إجابة

0 تصويتات
بواسطة مستشار أول (17.6مليون نقاط)
جزاك الله خير وربي يبشرك بجنته يارب ..

وأتمنى من جميع المتعطلين في مكه اتباع
نصيحتك بأسرع وقت ..

بالتوفيق للجميع ..
0 تصويتات
بواسطة مستشار أول (474ألف نقاط)
جزاك الله خير أخوي علي، ولكن أرجو أن تؤكد لنا أن النقل مفتوح للأبناء ممن هم على كفالة شركات لأني بالرياض والنقل متوقف بالرياض وناوي أطلع مكة في حال أن النقل مفتوح فعلا، وشكرا
بواسطة مستشار أول (226ألف نقاط)
ابشر اخويا وتامر امر اليوم اديك الخبر الاكيد
وتنور مكة وضيافتك عندي
بواسطة مستشار أول (474ألف نقاط)
بشرنا أخوي علي ايش صار معك؟
0 تصويتات
بواسطة مستشار أول (360ألف نقاط)
وفقك الله أخي علي والحمدلله على التيسير.

حالتي مثل fir28 وأنتظر جوازات الرياض تفتح المجال لأبناء المواطنات الذين كفالتهم على شركة.

وإذا اضطرينا لنزلة مكة، هل أقدر أصادق أوراقي من قسم النساء في الرياض وأروح بحالي لمكة ولا لازم آخذ الوالدة معي لمكة

وشكرا
بواسطة مستشار أول (226ألف نقاط) 1 إبلاغ إساءة
ابشر اخويا
انا بشوف لك في مكة اول لا تتعب الوالدة الله يحفظها لنا
وبتاكد من تصاديق الاوراق
حاول ارسلي نسخة على الايميل وانا بشوف مع حقك اللجنة
واشوف لو كاملة اوراقك وبستفسر عن حضور الوالدة ولا لا
بواسطة مستشار أول (360ألف نقاط)
تسلم أخوي علي وبارك الله فيك
بواسطة مستخدم جديد (35.2ألف نقاط)
أخي الكريم علي، الله يبشرك بالخير، كنت بانتظار تعليقك الكريم بالخير حتي ابدا في الحركة ، فلم أجهز خطاب الكفيل سوي اليوم، فلو تسوي في خدمه و تراجع إذا الاوراق الاي معاي كامله أم ينقصها شئ؟ لأني كما ذكرت لك لم اقدم المعامله قبل ذلك و  الوالده الله يحفظها  بتسافر معاي منها نروح الجوازات و  منها تزور الخوال لأنهم جالسين في مكه حيث هويتها إصدار مكه أيضاً، انا صيدلي و معي خطاب التنازل من الكفيل  لأنه مؤسسه (شركه)و هويه الوالده و عقد النكاح موثق من الخارجيه المصريه من زمن طويل،و إقامتي ساريه و جواز سفري معاي و شهاده الميلاد الشخصية صادره من القاهره و لكنها غير موثقه من الخارجيه المصريه (هل هذا الشئ يسوي فرق؟) و طبعا ١٠ صوره من كل  شئ  و أكيد بسدد أي رسوم لأن رأي من رأيك، هل في شئ اخر؟وإذا كان عندك وقت و يسير تراجعهم علي الايميل يبقي جزاك الله خيرا و والله ما قصرت
مرحبًا بك إلى مجتمع أبناء السعوديات سؤال وجواب ، حيث يمكنك طرح الأسئلة وانتظار الإجابة عليها من المستخدمين الآخرين.

13.5ألف أسئلة

25.7ألف إجابة

30.8ألف تعليقات

16.9ألف مستخدم

...