كيفية زواج مبتعثه من عربي غير مقيم

Question

مبتعثه سعودية عمرها اقل من٢١ تريد الزواج باجنبي عربي -عراقي- والعيش معه في بلده ماهي الاجراءات الصحيحه لزواج؟

Answer 1

اولا الإجراءات الصحيحه انك تحصلي على موافقة او تصريح للزواج
بغير سعودي ..

2- عمرك صغير ومايسمح لك الزواج بغير سعودي حاليا ..

3- الزواج بدون موافقة او تصريح يدمر العلاقه ما بين ابناءك في المستقبل ومابين بلدك السعوديه وراح يكونو هم الضحية بعدم الإعتراف فيهم داخل المملكة العربية السعودية كأبناء مواطنه سعودية ..

ربي يسهل أمرك ..

Comments

كيف احصل على موافقة او تصريح وانا وهو مو موجودين بسعودية يعني من وين نبدا وهل نقدر نكتب عقد الزواج بعدين نوثقه بالمحكمه؟

---

مدامكم خارج السعوديه تبدو من السفاره .. وزي ما قلت لك عمرك صغير واذا بعثتك على حساب الدوله ممكن يكون طلبك ملاحظه عليك او تلتغي بعثتك في حال قدمتي عقد زواج لا سمح الله غير معترف فيه تقدمي وانتي  لا تعرفيه ولا يعرفك مجرد خطبه بينكم وزي ما قلت لك مدامكم خارج السعوديه تقدمي في السفاره السعوديه في البلد اللي انتي فيه ..

واي استفسار ثاني ليتك تتكرمي بفتح سؤال جديد لسرعة الرد ..

ربي يسهل امرك .