ماهي شروط إستخراج كرت عائله لزوجه مواطن سعودي ؟

Question

السلام عليكم ،،،،
انا مواطن سعودي تزوجت من بنت مواطنه سعوديه  مقيمه بالمملكه  ، وتم الزواج بعقد نكاح سعودي صادر من محكمة الاحوال الشخصيه بالرياض ، دون موافقه من الاماره ولا شي ،


السؤال هو  :
ماهي شروط واجرائات استخراج سجل اسره من الاحوال المدينه  لهذا الزواج ؟؟؟

Answer 1

عادي تضيفها زي الزوجه السعوديه في الاحوال بجنسيتها ورقم اقامتها واذا تاخرت عن ٣ شهور في فرامه ٥٠ ريال

صحيح مايحتاج موافقه اماره للعقد لانها بنت مواطنه

خذ موعد واصل الجواز والاقامه وبس

Comments

اخي كلامك صحيح فعلا ، اليوم ذهبت للاحوال المدنيه والحمدالله تم إستخراج كرت العائله ، كان زحمه اليوم شوي بس اهم شي انه طلع هههه ،،،،

طبعا علشان يستفيدون الاعضاء  من تجربتي لازم اوضح بعض الامور الي اهي :
1ــ  لازم تنقل كفالة الزوجه على كفاله الزوج لتضاف في الإقامه : زوجه مواطن ، طبعا لابد من تسديد رسوم الكفاله اللي اهي : 2000 ريال .
2ــ في حال كان العقد صادر من محاكم السعوديه لايلزم موافقه من الاماره ولا يحتاج الى تصديق من الخارجيه الا اذا كان العقد اجنبي .
3ــ الاوراق المطلوبه كانت : اصل جواز السفر ، اصل الاقامه ، بطاقة الاحوال المدنيه ، عقد الزواج ، تعبئة نموذج رقم 59 من الاحوال المدنيه ،
طبعا لابد من تصوير كل ماذكر من ارواق ثبوتيه وإعطائها للموظف المختص .

وشكرا لكم جميعا ،،،،،،،،،،،،

Answer 2

انتم في المملكه ولا وين

كيف مو لازم موافقة لانها بنت مواطنة

 موضوع الزواج ماله دخل ان كانت امها سعودية او اجنبية

صح كلامك تضيفها برقم اقامتها بكرت العائلة

يا اخوان اذا كانت اموركم ماشيه بالواسطه لاتوهمون الناس انه النظام كذا

Comments

أخي الكريم الزواج تم بمحكمه الأحوال الشخصيه بالرياض دون موافقه من اماره المنطقة ولا اذن من الداخليه ، لأن ام الزوجه سعوديه الاصل وتمشي معالمتها مثل البنت السعوديه  بالظبط  بما يخص الزواج وبعض المعاملات الاحرى مثل التوضيف والتعليم والصحه وغيرها .

وموضوع الزواج تم بدون واسطه ولا شي ،،،
راجع شروط الامارة لزواج السعودي من بنت المواطنه السعوديه  مكتوب بهذة الحاله عبارة :  لايشترط موافقه لهاذا النوع من الزواج  . ويزوج من المحكمه مباشره .