ماهي طريقة تسجيل وافد خاص لزوجة متوفية

Question

انا امي متوفية تقريبا من 15 سنة
وحاليا سمحو لنا بالعمل ولاكن نتسجل ضمن برنامج نطاقات بحال ان الكفالة على الام
وانا امي سعودية ولاكن متوفية وحتى السجل المدني ماعندها الا الحفظية تبع النفوس القديمة مضافة فيها مع والدها رحمة الله علية
ومدري وش الاجراء اللي لازم اتخذو حيال تسجيلي كوافد خاص لاني الى الان على كفالة والدي ومسجل طالب رغم ان عمري 27 سنة وبالطريقة الرسمية لا استطيع العمل
رغم ان اخواتي سعوديات
هل استطيع نقل الكفالة على اي وحدا فيهم ؟

Answer 1

بالبداية.. رحم اله والدتك وأسكنها فسيح جناته..
وربنا يغفر لجميع أمهاتنا ويرحمهم الأحياء منهم والأموات..

بخصوص سؤالك ، نعم تستطيع نقل كفالتك على وحدة من خواتك..
لكن بأي حال من الأحوال ليس لدى سوى مهنة واحدة فقط وهي سائق خاص..

أنا أقترح عليك إقتراح ربما يكون مكلف قليلاً ، ولكنه الأفضل لك بإذن الله..
طلع سجل مؤسسة بإسم إحدى أخواتك وراح يكلفك أقل من 4 ألاف ريال بإذن الله شامل كل شيء...
السجل تقدر تنقل عليه بالمهنة اللي أنت تبيها وحسب شهادتك طبعاً..
وتقدر تستقدم زوجة لو حبيت ، وتقدر تستأجر سيارة وتروح وتيجي وتسافر على كيفك ، وتقدر تعمل خروج وعودة بنفسك بدون زيارة الجوازات ، وتقدر أيضاً العمل في أي مكان ، لكن لابد من أنك تكون حامل شهادة الميلاد ولابد يكون مسجل فيها أنه أمك سعودية ، ولو أمك حصلت على الجنسية بعد ولادتك ، بإمكانك تعديل شهادة ميلادك ويسمونه تهميش ، وتضيف أنه أمك سعودية الله يرحمها..

هذا والله أعلم..

تحياتي..