Untitled 1

يمكنكم الإنضمام في مجموعة أبناء السعوديات على برنامج التليجرام عبر الرابط التالي:  https://t.me/saudison

منذ في تصنيف منوع بواسطة مشارك متقدم (51.1ألف نقاط)
اللهم لك الحمد كما ينبغي لجلال وجهك وعظيم سلطانك
تم عقد قراني بفضل الله وكرمه .. حبيت اشارككم الفرحه وادعيلكم ربي يحقق مرادكم ويفرح قلوبكم بالموافقة عاجلا غير اجل وأي استفسار انا جاهزه ..
وحبيت اعطيكم تجربتي عشان الكل يستفيد
اول شي معاملتي قدمتها من المحافظة وحولوها بعد يومين للشرطه رحت هناك وطلباتهم كانت :
للخاطب / صورتين شخصية + صوره الجواز + صورة الاقامة ( لازم تكون سارية) + تعريف بالراتب وحطينا ٣٠٠٠ ريال مصدق من الغرفة التجارية + صحيفة جنائية وهاذي سواها بصمات من الشرطة + صحيفة جنائية من القنصلية بجدة وارسلها لمصر وختمها من السفاره السعودية بمصر وصدقها من الخارجية هنا ( كثير قالو لازم من نفس الدولة بس الحمدلله استخرجها من جدة ومشت بفضل الله) + تحاليل الزواج + تحاليل السموم والمخدرات + ورقة اقرار بعدم اسبقية الزواج من سعودية واكتفو بس بالختم من الامارة مو لازم شاهدين ( المهم انها مختومه ختم رسمي)
المخطوبة / صورة الهوية + برنت من الاحوال + تحاليل الزواج + ورقة اقرار بالموافقة مع شاهدين سعوديين + ورقة موافقة ولي الأمر .
هاذي الطلبات وارسلوها للاماره جلست يومين واتحولت للداخلية وتقيدت بتاريخ ٢٤ شعبان وجلست بالداخلية تقريبا شهرين واسبوعين وصدرت للعدل بتاريخ ٧ ذوالقعدة .. بعد يومين دخلت ع ناجز وعبيت البيانات والتقرير الطبي ارفقته pdf لانه ورقي والحمدلله عقدنا بكل يسر وسهولة .. حبيت اعطيكم امل واكثرو من الاستغفار والدعاء .. تعبت وانا اكتب بس ابغاكم تستفيدون وادعولي ربي يتمم علي سعادتي ويرزقنا الذرية الصالحة
منذ بواسطة مستخدم جديد (15.1ألف نقاط)
بس العسكري قالي ممكن تاخذ وقت لان شهاده الميلاد لازم تتصدق من منطقه ثانيه :(
منذ بواسطة مشارك متقدم (51.1ألف نقاط)
والله مابعرف موضوع تصديق شهادة الميلاد انا اللي صدقه كان ورقة الصحيفة الجنائية وسواها بنفس اليوم من القنصلية بجدة .. عسى ربي ييسر لكم أموركم ويتمها لكم على خير ويفرحكم عاجلا غير آجل
منذ بواسطة مستخدم جديد (21.1ألف نقاط)
اتصلي عليهم قبل لا تروحي او روحي  اذا تقدري الاسبوع الجاي قد طلعت إن شاء الله وباذن الله
منذ بواسطة مستخدم جديد (15.1ألف نقاط)
امين يااارب، الف شكر
منذ بواسطة مستشار أول (1.7مليون نقاط)
تصديق شهادة الميلاد يبغاله وقت .. خصوصا اذا كان من منطقة ثانية تأخذ شهر لشهرين .. على حسب.. لكن ربي يسهلك واكثري من الدعاء وبإذن الله تفرحوا بالموافقة

2 إجابة

0 تصويتات
منذ بواسطة مستخدم جديد (22.1ألف نقاط)
الف مبروك عقبال الجميع يارب
منذ بواسطة مشارك متقدم (51.1ألف نقاط)
الله يبارك فيك ويسعدك اللهم امين
0 تصويتات
منذ بواسطة مستشار أول (1.7مليون نقاط)
الف مبروك .. الله يجعلها زواجة الدهر ويسعدكم وعقبال الباقين يارب .
منذ بواسطة مستخدم جديد (21.1ألف نقاط)
آمين يارب العالمين الله يسمع منكم
منذ بواسطة مشارك متقدم (51.1ألف نقاط)
الله يبارك بعمرك ويسعدك .. اللهم امين يارب العالمين

مرحباً بك..
اطرح سؤالك وإنتظر الإجابة من الأعضاء الأخرين.
للإنضمام لمجموعة التليجرام الخاصة بالموقع
https://t.me/saudisons

13.3ألف أسئلة

25.4ألف إجابة

30.6ألف تعليقات

17.3ألف مستخدم

...