بخصوص التامين الطبي للزوجه السعوديه

Question

السلام عليكم ورحمة الله وبركاته...
 اسعد الله مساكم/صباحكم بكل خير
سؤالي بخصوص التامين الطبي لزوجتي هي سعوديه وانا اجنبي وانا على كفالة منشأه وطبعا المنشأه مسويه لي تامين طبي.. ولما حاولت اضافة زوجتي لتاميني ابلغوني بانه غير متاح وانه يجب انها تكون موظفه في المنشاه لو حبيت اضيفها وكمان حاولت اعملها تامين طبي فردي في شركات التامين وقالو ان ماعاد فيه تامين فردي

ايش الحل ياجماعه؟! هل يمكن اضافتها على تاميني عن طريق المنشأه اللي اعمل فيها والا احد يعرف شركة تامين تعمل تامين فردي للسعوديين؟!
وشكرا مقدما

Answer 1

وعليكم السلام ورحمة الله وبركاته

الجواب كالتالي: النقطة الأولى/ من واقع تجربة وبما أنك على كفالة المؤسسة فالتأمين الطبي حق لك ولزوجتك وإضافتها ممكنة فقط تحتاج ترسل صورة إقامتك اللي تثبت علاقتك مع المنشأة وهوية زوجتك وعقد الزواج لشركة التأمين وراح يحتاجون وقت عشان يتواصلون مع الجهات المعنية لإضافتها وهذا الشيء حصل معي.

النقطة الثانية/ في حال نقل كفالتك على زوجتك وقتها تحتاج المنشأة ترفع إسمها كموظفة وأنت كزوج تابع لها وبهذه الطريقة اثنينكم تحصلون على التأمين وتراه ما يفرق في العلاج كل المسميات شكلية وهذا الشيء حصل معي أيضاً بعد النقل.

الخلاصة في كل الأحوال حصولكم على التأمين الطبي حق لكم ولا يوجد شيء في النظام يمنع ذلك، ولا حتى إنك مضطر تدفع من جيبك عشان تاخذ شيء يحق لك، ممكن يكون موظف خدمة العملاء في شركة التأمين جاهل وما قد مرت عليه حالة مشابهة وعشان كذا صرفك. حاول تتواصل معاهم مرة ثانية وتوضح لهم كل شيء وفي حال استمر الرفض تقدر تشتكي علي شركة التأمين في مجلس الضمان الصحي التعاوني.

بالتوفيق