Untitled 1

يمكنكم الإنضمام في مجموعة أبناء السعوديات على برنامج التليجرام عبر الرابط التالي:  https://t.me/saudison

سُئل في تصنيف ازواج السعوديات بواسطة مستخدم جديد (15.1ألف نقاط)
معاملتي بكرة بوديها قسم الزواج بس ابعرف هو اللي في حي النسيم ؟ نفس مبنى الشرطة ولا لهم مدخل خاص ؟ وايش حيقولولي وايش حيصير وهل اروح على طول بأوراقي ولا لازم موعد مسبق  علما ان اوراقي كاملة ، الرجاء الافادة بالتفصيل تراني ما اعرف شي ابداً

1 إجابة واحدة

0 تصويتات
تم الرد عليه بواسطة مستشار أول (180ألف نقاط)
بالتوفيق اخوي , بس هل اول حاجه قدمتو المعامله عن طريق موقع المحافظه . لانه اولا لازم تقدمو عن طريق موقع المحافظة . تدخل على طلبات الزواج وتعبي البيانات . بعدين هما يرسلو رقم طلب للشرطة . طبعا انت بعد تقدم تابع على موقع المحافظة برقم الطلب , واول ماتوصل الشرطة اتصل عليهم عشان تروح تقدم كل الاوارق الي طالبينها ولازم موعد . راح تلاقي حاطين الارقام تبع مكتب الزواج على الباب . طبعا ماتروح المبنى الرئيسي الي بالنسيم  , في مبنى جنبه بابه من المواقف . باب قزاز . يدخل الطرف السعودي ويكمل الاجراءات ويشوف ايش الطلبات .
تم التعليق عليه بواسطة مستخدم جديد (15.1ألف نقاط)
ايوا المعاملة محولة على قسم الشرطة خلاص وعندي رقم المعاملة
يعني اتصل عليهم واعطيهم رقم المعاملة وهم يعطوني موعد ؟ والموعد يكون متى بالايام يعني ولا كيف ؟ ولو رحت درعمت بدون موعد ممكن يعدي الموضوع ؟
تم التعليق عليه بواسطة مستشار أول (180ألف نقاط)
شوف انا رحت اول يوم بعد مافتحو بعد الحجر واخذت الرقم وانا واقفه على الباب ودقيت وخلوني ادخل  جرب نفس الشي . المهم خذ معاك صور الهويات .  . مااظن بالايام لانه يادوب راح يعطوك ورقة الطلبات وتمشي .
رقم قسم الرجال  6015600 تحويلة 1590
قسم النساء تحويله 1157
روح بدري اول مايفتحو
تم التعليق عليه بواسطة مستخدم جديد (15.1ألف نقاط)
يعطيك العافية شكرا جزيلا
بس ورقة الطلبات معايا ومعايا الطلبات كلها خلاص انا رايح اقدمها
حروح ٨ والله يسهل يا رب شكرا
تم التعليق عليه بواسطة مستشار أول (180ألف نقاط)
ممتاز . الله يسهلك وييسر امركم ويجمعكم على خير . دعواتك الله يسعدك انا خلصت بس باقي يعطونا موعد المحكمه عشان نعقد.
تم التعليق عليه بواسطة مستخدم جديد (15.1ألف نقاط)
الله يتمم ويجمع بينكم في خير
طيب سؤال
من متى قدمتو المعاملة ؟
تم التعليق عليه بواسطة مستشار أول (180ألف نقاط)
قدمنا المعامله من شهر نوفمبر 2019 وخلصت في شهر ابريل 2020 . طبعا جلست بالداخليه ثلاث اشهر ومابين الاماره والشرطة والمحافظة من عشر ايام لي اسبوعين  بين كل دائرة ودائرة  . بس ترى تختلف من معامله لمعامله فلا تشيل هم . قدم الاوراق مضبوط ولاتنسى حاجه من الطلبات , عشان لاترجع المعامله .
تم التعليق عليه بواسطة مستخدم جديد (15.1ألف نقاط)
الله يسهل ان شاء الله شكراً جزيلاً
تم التعليق عليه منذ بواسطة (100 نقاط)
حاب أسأل اش الاجراءات الباقية بعدها مجهز الطلبات انا وباخذ نتيجة الفحص واروح لهم فما اعرف اش الاجراءات الباقية وهل بيطلبون شي بعدها
تم التعليق عليه منذ بواسطة مستشار أول (180ألف نقاط)
بعد ماتاخذ ورقة الطلبات من الشرطة وتجمعها وتعمل الفحص الطبي وترجع للشرطة راح يعطوك رقم معامله تتصل عليهم بعد اسبوع لي اسبوعين راح يعطوك رقم معامله صادر للاماره , في الاماره راح تحضر مع اثنين شهود وولي امر المخطوبه عشان كم سؤال للشهود بمدى معرفتكم ويوقعو ويمشو , بعده تستنى كمان ابو اسبوعين وتتصدر المعامله للداخليه وهناك ماعندك غير الصبر والصلاه انه معاملتك تخلص بسرعه , هذي الفترة الوحيدة الي اعصابك تتبهدل فيها , ماابغى اقلك كم تجلس لانه سبحان الله تختلف من معامله لمعامله , ممكن من شهر لثلاث اشهر لي اكثر , بعدها ترجع الاماره تاخذ اسبوع وتتصدر للمحكمه .
تم التعليق عليه منذ بواسطة (100 نقاط)
ضاقت بي الدنيا, طلعت نتيجة التحاليل اليوم وقالو لي عندها أنيما الفول وخلال 10 أيام تروح للشرطة اش اسوي ماني عارف
مرحبًا بك إلى مجتمع أبناء السعوديات - سؤال وجواب، حيث يمكنك طرح الأسئلة وانتظار الإجابة عليها من المستخدمين الآخرين. Untitled 1

يمكنكم الإنضمام في مجموعة أبناء السعوديات على برنامج التليجرام عبر الرابط التالي:  https://t.me/mhananah

11.5ألف أسئلة

22.4ألف إجابة

24.4ألف تعليقات

15.9ألف مستخدم

...