Untitled 1

يمكنكم الإنضمام في مجموعة أبناء السعوديات على برنامج التليجرام عبر الرابط التالي:  https://t.me/saudison

سُئل في تصنيف ازواج السعوديات بواسطة مستخدم جديد (1.1ألف نقاط)
ياخواني.. ابوي زوجني قبل كم سنة لولد عمي وهو مامعه هوية (بدون)ينتظر إنهاء معاملته في الأحوال والوضع طول  وانا مواطنة سعودية.. ابوي اتوفى الله يرحمه وانا صارلي سنة ابيه يطلقني لاني متضرره لأبعد درجة كيف إجراءات الخلع وانا مامعي إثبات او عقد زواج حتى والمحامي يبي مني ٤٠ الف ريال عشان يثبت زواج وبعدين يخلعه وارجعله مهر  هذا وهو مراكم علي ديون الدنيا وساحب سياره باسمي ومخالفات مروريه والخ
تكفون علموني وين اروح وش اسوي.. يبي يخليني معلقه على هالحال سنين وسنين

7 إجابة

0 تصويتات
تم الرد عليه بواسطة مستشار أول (200ألف نقاط)
الله يكون بعونك يبغالك محامي...
0 تصويتات
تم الرد عليه بواسطة مشارك متقدم (70.1ألف نقاط)
الله يكون في عونك أختي، نصيحتي لك لا محامي ولا غيره، أتجهي للقضاء وعلميهم بموضوعك وتفاصيل اللي صار، وأكيد هم راح يستدعوه وأكيد فيه حل ومخرج لموضوعك، أو أتجهي للشرطه وهم يحولو ملفك للقضاء
تم التعليق عليه بواسطة مستخدم جديد (1.1ألف نقاط)
اخاف أتعرض للمسآلة ويقولون ليش تزوجتي بدون عقد ودام بدون علمنا مالنا دخل فيك.. وكل شي صاير اونلاين الحين ومدري اذا رحت اتجه لأي محكمه وبيستقبلوني ولا لا
0 تصويتات
تم الرد عليه بواسطة مشارك متقدم (70.1ألف نقاط)
أكيد يا أختي ما راح تتعرضين لمسائلة ولا شي ولا راح يترتب عليك أي غرامات هذا أكيد، لأن أبوك الله يرحمه هو اللي زوجك كونه وليك، الشباب والبنات اللي بيتزوجو ويخلفو الدولة بتصحح وضعهم وبيضيفو أبنائهم، وأنت ما عندك أبناء ومتضرره من هالزواج، تطمأني وأتجهي للقضاء وراح تعرفين أن الدولة يهمها أبنائها وراح يلقو حل لوضعك سواء تبين تتطلقين أو تبين تثبتين الزواج، توكلي على الله، ولا أحد يضحك عليك ويطلب منك أموال أو يبتزك بأي سي
0 تصويتات
تم الرد عليه بواسطة مشارك متقدم (70.1ألف نقاط)
وأذا ما تعرفين وين تتجهين بالضبظ، أنصحك تروحين للشرطه تقدمين شكوى وهم راح يحيلوك للقضاء ويستدعو الزوج، الدولة ما تفرط في أبنائها
تم التعليق عليه بواسطة مستخدم جديد (1.1ألف نقاط)
الله يجزاك الجنة.. بإذن الله بقدر اخذ حقي وانشالله مايقصرون معي.. وبمشي على خطواتك والله يوفقني
0 تصويتات
تم الرد عليه بواسطة مشارك متقدم (113ألف نقاط)
الله يكون في عونك يا اختي،،

السياره قدمي بلاغ في الشرطه انها مسروقه في اسرع وقت ( واعملي نفسك مو عارفه مين الي سارقها)
عشان يتعمم عليها وماتتحملي المخالفات واذا عمل فيها مصيبه يتحملها هو وليس انتي

اذا فيه اي حاجه بأسمك مثل ارقام او غيره راجعي شركات الاتصالات وافصليهم   عشان مايورطك بعدين  وتدخلي في ابتزاز معاه
تم التعليق عليه بواسطة مستخدم جديد (1.1ألف نقاط)
الجوال كان باسمي و انفصل وعلي ٣ آلاف..غير السياره والمخالفات لكن الحين كل شي يهون مقابل اني انفصل عنه وافتك لان اخوي الكبير واقف ضدي ومايبيني انفصل.. عشان كذا بتجه للشرطة مثل ماقترح على الأخ أبو عبدالله.. لكن شايله هم يصرفوني ويقولون مو من عندنا ومالنا دخل وارجع لنقطه الصفر من البداية
تم التعليق عليه بواسطة مشارك متقدم (113ألف نقاط)
الشرطه ممكن ماتفيدك مو من اختصاصهم الطلاق والله اعلم

لاكن اكتبي خطاب موجه للاماره او المحافظة حسب المكان الي انتي فيه
اشرحيلهم فيه الموضوع بس بطريقة تكون مفهومه و واضحه و مختصره ولاتنسي تكتبي فيه رغبتك في الطلاق

ويوم الاحد قدمي الخطاب للاماره وهم راح يتصرفو او على الاقل يوجهوك للاجهه المختصه ممكن المحكمه او الاحوال المدنيه او حتى الشرطه،،
0 تصويتات
تم الرد عليه بواسطة مستشار أول (235ألف نقاط)
بسيطة جدا سوي بلاغ في الشرطة انه يدعي انك زوجته وارمي الكورة في ملعبة خليه هو اللي يجيب دليل انك زوجته وبكذا ماراح يثبت الزواج وبالنسبة للسيارة سوي بلاغ انها مسروقة .. وبس
0 تصويتات
تم الرد عليه بواسطة مستشار أول (1.3مليون نقاط)
اختي ، زي ما قالو الاخوان بلغي على السياره انها مسروقه واذا جابوه يقول حق زوجتي ، مافي اثبات انك متزوجه ب الادمي هذا!

واما موضوع الخلع اصلا الشيخ بيقلك اذا مافي عقد زواج مثبت وصادر من المحكمه كيف يخلعك منه!

روحي للمحكمه ويشوف ممكن يلاقي حل!

الله يعينك ويصبرك و يعوضك خير
تم التعليق عليه بواسطة مستخدم جديد (1.1ألف نقاط)
والله كم الاذى الي انا فيه لايحتمل.. حتى اخوي الكبير بصفهم ويقول مافي طلاق والان محاولات تشويه سمعتي عشان ارضخ وارجع.. رفعت امس بالمجلس الألكتروني حق سمو أمير الرياض.. حاولت ارفع بعد في محكمة العدل خلع بس كل مايجي عند بياناتي يرفض الطلب مدري ليش واذا رحت لهم يوم الأحد مارح يستقبلني اصلا لان كل شي صار اونلاين
تم التعليق عليه بواسطة مستشار أول (1.3مليون نقاط)
يعني اخوك الكبير مو واقف في صفك وش السبب كلام الناس يعني؟
مهما حاولت تسوي للناس ماراح يعجبهم شي وبيتكلمو عليك في فرحك او زعلك

يعني موضوعك لا يرضي الله ولا نبيه، اذا فعلا مظلومه المفروض اهلك يوقفون معك، الله يعينك ويصبرك، ترا الموضوع يزعل فعلا

يعني ولد عمك المفروض يكون ستر وغطى ما يسوي كذا ب اهله

الله يفرج همك ويسهل طريقك
مرحبًا بك إلى مجتمع أبناء السعوديات - سؤال وجواب، حيث يمكنك طرح الأسئلة وانتظار الإجابة عليها من المستخدمين الآخرين. Untitled 1

يمكنكم الإنضمام في مجموعة أبناء السعوديات على برنامج التليجرام عبر الرابط التالي:  https://t.me/mhananah

11.5ألف أسئلة

22.4ألف إجابة

24.4ألف تعليقات

15.9ألف مستخدم

...