معامله زواج احتاج مساعده الله يسعدكم

Question

من فضلكم عندي استفسار بخصوص معاملتي زواج سعودية من ابن مواطنة مولود في السعودية المعاملة خرجة من الداخلية الى امارة مكة لمن اتواصلنا مع اماره مكة اعطونا رقم المعاملة الجديد شيكت في موقع الامارة طلع لي قيد التنفيد دوائر حكومية بتاريخ 3-7-1437 واخر حركة من ادارة القضايا والمطالبات الخاصة الى الادارة العامة للحقوق الخاصة واحنا اليوم التاريخ 17-7-1437اللي صار انو اليوم اتواصلت مع الاماره بتاريخ 17 وقالو لي انها في اجراء تاشير ايش يعني هذا وايش بيصير فيها بعد كذا اللي عندهم خلفيه يفيدوني الله يسعدكم وقالت لي اتصلي راجعينا يوم الخميس

Answer 1

خلاص تمام اموركم تمام باذن الله

Comments

بااذن الله الله يسهلها يارب بس بتوقعك هما قالو له اسبوع او 10 ايام ورجعنا نرجعهم افضل اول ع طريق التلفون وايش ممكن يصير في ال10 ايام

---

السلام عليكم ي اخ بركات اليوم خطيبي اتواصل مع قسم النساء قالت له وحدة من الاخوات ان المعامله حفظت وهما مايدرون عن شي هل ممكن يكون كلامها خطاء لان لسه قالو له قسم الرجال راجعنا بعد اسبوع او 10 ايام ولسه حتى ماكملنا اسبوع

Answer 2

روحي انتي بنفسك قسم النساء بالشرطه وشوفى ايش القصه. وان شاء الله ما يكون الا كل خير

Comments

هل ممكن انه يتم الحفظ بهذي السرعه لسه الاحد حققو مع خطيبي اليوم قالو لخطيبي حفظت

---

عن طريقه التلفون ومن قسم النساء وهيا عند قسم الرجال المعامله

Answer 3

روحو بنفسكم راجعوهم

Comments

استاذ بركات اليوم راجعناهم وقال الضابط اللي حقق مع خطيبي انها اترسلت اليوم المحافظة ممكن بكرا توصل وهما منتظرين توجيه المحافظة بعد التحقيق اللي صار مع خطيبي وقال راجعو المحافظة يوم الثلاثاء اوالاربعاء

Answer 4

الله يعينكم وييسر امركم

Comments

اللهم امين عفوا استاذ بركات ماعندك خلفيه ايش ممكن يكون رد المحافظة يسمحو بالزواج ولالا الخطاب حق التحقيق كانو طالبينه المحافظة ع استس يعرفو اذا كان في مشاكل ولالا بينه وبين خطيبته السابقه ومافي مشاكل وارفع المحقق انه مافي مشاكل وانه هيا خلعته ماتبغاه مو هوا اللي طلقها

Answer 5

ان شاء الله ما في الا كل خير

Comments

السلام عليةم ورحمه الله وبركاته كل عام وانتم بخير ي اخ بركات من فضلك انا اللي صار معايا الان بعد الاجرات اللي سبق وعرفتها المحافظه طلبت من الشرطه تعطينا الاوراق اللازمه اعطونا التحاليل وكل الاوراق والخ وعملناها وسلمتها قسم النساء واعبت استمارات ووقعتني ع ورق انه زوجك مايطالب بجنسيه والخ المهم واعطتني موعد للمراجعه بتاريخ 25/11قالت لي راجعي الاتصالات الاداريه عن طريق التلفون تحويله 1196-1198بيعطوك رقم الصادرلمحافظه جده ايش اللي بيصير الان هل الامور كذا ماشيه تمام ولا في حاجة وليش هذي الفتره الطويله اكثرمن شهر 39 يوم ايش بتسوي في الورق عندهم في الشرطه

Answer 6

وانتم بصحه وسلامه
تطول بالشرطه علشان الاجراءات والبحث والتحري تجلس حدود شهرين بعدين ترجع المحافظه

Comments

بحث وتحري في ايش مو الاوراق كامله وفي بصمات وكذا يبحثو عن ايش وبعد ماترجع للمحافظه ايش يصير ؟

Answer 7

لا تستعجلوا المعامله تجلس حدود سبع شهور

Comments

7 شهور ليش ؟ اخويا الان متزوج جلست عن الشرطه اسبوعين واخو خطيبي جلست في الشرطه شهر

Answer 8

قصدي سبع شهور بكل الجهات الى تروح لها من تاريخ التقديم بالمحافظه الى عقد النكاح بالمحكمه

Comments

قصدك بعد ماتخرج من المحكمه ولا قبل احنا اصلا صار لنا سنتين لين جات الموافقه المبدائيه لانه كان مطلق

Answer 9

اقصد الفترة الى تجلسها من بداية التقديم الى ان تيجى الموافقه

Comments

تمام بااذن الله شكرا الله يعطيك العافية

Answer 10

الله يعافيكم. بالتوفيق

Comments

السلام عليكم استاذ بركات من فضلك اللي صار معايا الان اتصلو قسم النساء في شرطه محافظه جدة عليا يوم الاربعاء وطلبت مني اتواصل مع خطيبي يبغو منه ورقه مشهد من القنصليه اليمنيه انه ماله اي سوابق في بلده وذكرت لها انا انو خطيبي ماقدراح اليمن اصلا قالت لي عادي خليه يجيبها يعطوه وعمل الورقه ووداها لهم واتصلت عليها سالتها هل وصلت الورقه قالت ايوا قالت لها ايش الاجراء اللي رح يصير دحين الله يسعدك قالت لي بتروح الاوراق لقسم الرجال عشان يوقعوها ويرسلوهاللمحافظه اوراقك كلها جاهزه ايش اللي بيصير دحين لمن تتحول المحافظه وهل الحمدلله امورنا كذا ان شاء الله تمام ولا ؟